وسط التوابل والأعشاب اللي بنستعملها كل يوم، في نبتة صغيرة كنا بنعدي عليها مرور الكرام، لكن الأبحاث أثبتت إن ليها تأثيرات خارقة على صحة الإنسان، وخصوصًا في علاج السكر والحفاظ على المخ، النبتة دي هي “إكليل الجبل” أو “الروزماري”، واللي بدأت تشغل العالم كله بسبب قدراتها السحرية في ضبط نسبة السكر في الدم، وتقوية خلايا المخ، وكأنها بتدّي الجسم طاقة متجددة تحافظ عليه من أخطر الأمراض.
ليه الروزماري بقى حديث العلماء؟
الروزماري مش بس نبتة للنكهة، ده مليان بمضادات الأكسدة والمركبات الفعالة اللي بتحفز الذاكرة وبتمنع تدهور خلايا المخ، وده بيقلل فرص الإصابة بالزهايمر مع التقدم في العمر، بجانب كده، هو بيساعد الجسم على تنظيم إفراز الأنسولين، وده بيساهم في السيطرة على مستويات السكر بشكل طبيعي، خصوصًا للي بيعانوا من مقدمات السكري أو ارتفاع بسيط في مستويات الجلوكوز.
ازاي تستفيد منه بأبسط الطرق؟
ممكن تضيف الروزماري للشاي أو تغليه وتشرب ميته كمنقوع صباحًا، في ناس بتحط منه شوية في الأكل أو تستخدم زيته في التدليك. كل طريقة ليها فوايد، والنتيجة وحدة: تقوية الجسم من جواه، وتحسين التركيز، وتقليل النسيان اللي بقى شائع حتى بين الشباب، والجميل في الموضوع إنه آمن ورخيص وسهل الاستخدام، ومش هتحتاج وصفة دكتور علشان تبدأ تستفيد منه.
ابدأ من دلوقتي وخلي صحتك أولوية
كل يوم بيمر عليك فرصة جديدة علشان تهتم بصحتك وتمنع المرض قبل ما يحصل، والفرصة دي ممكن تكون في نبتة بسيطة زي الروزماري، بدل ما تدور على حلول معقدة وغالية، جرب ترجع للطبيعة، اللي مخبية لك مفاتيح العافية من سنين، النبتة موجودة، والمعلومة وصلتك، والقرار في إيدك..