تفتكر إنك ممكن تخفي أسرارك عن الناس؟ الحقيقة إنك مش واخد بالك إن في حاجة صغيرة في وشك بتكشف عنك كل اللي بتحاول تخبّيه عينيك! ، لون عينيك وشكلهم وحتى المسافة اللي بينهم ممكن تفضح شخصيتك بالكامل وتخلي اللي حواليك يعرفوا إنت مين من أول نظرة! ، وفي المقال ده هنتكلم عن إزاي عينيك بتكشف سماتك النفسية العميقة وهتعرف معلومات هتخليك تبص لنفسك في المراية بطريقة مختلفة ، استعد لأن شخصيتك كلها هتكون على المكشوف و”فضيحتك هتبقى على كل لسان”!
لون عينيك بيكشف أسرارك
كل لون عين ليه بصمة نفسية مميزة بتكشف طبيعتك وأسلوبك في التعامل مع الدنيا كالتالى:
- العيون الزرقاء: أصحاب العيون الزرقاء بيظهروا في الأول هادئين وبعيدين عن الدراما ولكنهم في الحقيقة بيملكوا إرادة قوية وقدرة على السيطرة في المواقف الصعبة.
- العيون البنية: أصحاب العيون البنية بتدل على شخصية دافئة واجتماعية والناس بتحس إنك مصدر أمان وده بيخلي علاقاتك دايمًا ناجحة ومستقرة.
- العيون الخضراء: لو عيونك خضراء فأنت شخص بيلفت الأنظار وعندك قدرة على كسب قلوب الناس بسهولة وبتحب التحديات ومش بتمشي على نفس طريق غيرك.
- العيون الرمادية: أصحاب العيون الرمادية بتعكس شخصية بتحب التفكير العميق ومش بتتصرف بعشوائية وبتحل أي مشكلة بالعقل والمنطق قبل العاطفة.
- العيون العسلية: لو عيونك عسلية فأنت بتكره الروتين وبتحب التغيير ودايمًا بتدور على الجديد وده بيخلي حياتك دايمًا فيها مغامرة.
اعرف شخصيتك من شكل عينيك
شكل العين يوضح الكثير عن طريق تفكيرك وطريقتك في التواصل مع اللي حواليك كالتالى:
- العيون الواسعة: أصحاب العيون الواسعة بيكونوا حساسين وعاطفيين وبيحبوا يستكشفوا العالم من كل الزوايا وبيفكروا في كل التفاصيل وبيحبوا يفهموا الناس.
- العيون الضيقة: العيون الصغيرة بتدل على شخصية دقيقة ومنظمة وبتحلل الأمور قبل ما تتصرف وبتحب الخصوصية ومش بتفتح قلبها بسهولة.
المسافة بين عينيك بتكشف أسلوبك في الحياة
المسافة بين العينين ممكن أن توضح للناس طريقة تفكيرك وكيف يمكن أن تتصرف في الكثير من المواقف وهى:
- العيون المتقاربة: لو عيونك قريبة من بعض، فأنت شخص مركز وبتحب التخطيط وبتاخد خطواتك بحساب ومابتسيبش حاجة للصدفة.
- العيون المتباعدة: العينين الواسعتين بيدلوا على شخصية بتحب الحرية والابتكار ودايمًا بتدور على التجديد وبتحب تعيش بطريقتك الخاصة.