كتير مننا وهو بيطبخ ممكن يقع في غلطة بسيطة لكن مزعجة: زيادة الملح في الأكل. سواء كانت شربة، طبيخ، أو حتى صينية، الطعم المالح بيبوظ الطبق كله، ويخليكي تفكري ترمي الأكلة أو تبدأي من جديد. لكن قبل ما توصلي للقرار ده، خليني أقولك إن في طرق سريعة ومضمونة هتنقذ أكلك من الملح الزائد، وكلها من مكونات موجودة في مطبخك!
أولًا: ليه زيادة الملح بتحصل؟
-
سهو أثناء الطهي.
-
نوع الملح أو كبر الحبيبات.
-
تقليل كمية الماء أو السائل في الأكلة مع بقاء نفس كمية الملح.
الطرق السريعة للتخلص من الملح الزائد:
1. البطاطس هي البطل الأول!
قطّعي حبة بطاطس نيئة (مقشرة) إلى نصفين أو شرائح، وضيفيها للأكلة سواء كانت شربة أو صلصة.
البطاطس بتمتص الملح الزائد خلال دقائق. سيبيها من 10 إلى 15 دقيقة، وبعدها شيليها قبل التقديم.
مناسبة جدًا للشوربة، الطواجن، أو أي طبخة فيها سوائل.
2. ملعقة سكر صغيرة… السر اللي ناس كتير متعرفهوش!
لو الملح بسيط ومش زيادة جدًا، ممكن تضيفي رشة سكر صغيرة (أقل من نصف ملعقة).
السكر بيوازن الطعم وما بيبانش في النكهة، بس يرجى الانتباه ما تكثريش عشان الطعم ما يبقاش حلو.
3. الليمون أو الخل: الطعم الموازِن
في بعض الأكلات، ممكن تضيفي عصير ليمون أو نقطة خل، وده هيقلل الإحساس بالملوحة.
مثالي لأطباق السمك، الخضار، والسلطات.
4. زيادة كمية الأكلة: الحل الكلاسيكي
لو عندك وقت ومكونات، زودي شوية من باقي مكونات الطبخة (خضار، ماء، صوص، أو رز)، فده هيخفف تركيز الملح ويظبط الطعم.
5. استخدام العجينة (في الشوربة والطواجن):
في بعض الوصفات، خصوصًا الطواجن أو اليخنة، ممكن تضيفي قطعة صغيرة من العجينة النيّة (دقيق ومية)، وسيبيها تغلي مع الأكل، هتمتص الملح الزائد وبتتشال بسهولة بعدين.
نصيحة ذهبية علشان ما تقعيش في نفس الغلطة:
دوقي الأكل قبل ما تضيفي الملح كله، وضيفيه تدريجيًا على مراحل أثناء الطبخ مش مرة واحدة.