شاومي ما بتهزرش، وواضح تمامًا من إعلانها الأخير عن هاتفها الجبار Xiaomi 15 Ultra، اللي دخل السوق زي الإعصار، وقطع نفس المنافسين قبل ما يلحقوا يردوا الهاتف الجديد تهديد حقيقي لعرش الكبار، من أول سامسونج لحد آبل، والرسالة واضحة.
مواصفات الهاتف
الهاتف مزود بكاميرا 200 ميجابكسل، مش مجرد رقم ضخم، لكن أداء فعلي بيفرض نفسه، بدعم من تقنيات معالجة صور متطورة، ومستشعرات ضخمة بتخلي كل صورة تحفة فنية، سواء بالنهار أو في الإضاءة المنخفضة الكاميرا هنا بتقول بكل ثقة: “أنا الأفضل.. والباقي يتفرج.”
أما تحت الغطاء، فشاومي رمت بكل تقيلها، وحطت معالج مرعب من الجيل الأحدث، قادر يشغل الألعاب والتطبيقات الثقيلة وكأنه بيشرب شاي الأداء سريع، السلاسة خرافية، والتجربة ككل بتخلي استخدام الهاتف متعة يومية.
البطارية ضخمة، الشحن سريع جدًا، الشاشة 120Hz بدقة عالية، والتصميم فاخر يليق بهاتف فلاجشيب حقيق ببساطة، Xiaomi 15 Ultra مش داخل ينافس، ده داخل يكسب.. وبسرعة.
“شاومي قطعت نفسهم”، وفعليًا، أي شركة هتفكر تنافسها في الفئة دي لازم تعيد حساباتها ألف مرة، لأن المعركة بقت مش متكافئة.
هل الهاتف ده هو البطل الحقيقي لسنة 2025؟
ولا لسه في مفاجآت جاية من الشركات التانية؟
لكن المؤكد دلوقتي إن شاومي رفعت السقف جدًا، واللي مش قدها.. يستنى القاضية.