شركة مايكروسوفت أصبحت حديث العالم العربي!!
“يا مصطفى .. عيب عليك!! ” ، الجملة العظيمة دي صرخت بيها المبرمجة المغربية “ابتهال ابو السعد” من شوية في احتفالية الذكرى الخمسين بتأسيس مايكروسوفت لمصطفى سليمان الرئيس التنفيذي للAI في الشركة وسط الكاميرات والمشاهدين وكبار الزوار.
كلمات بسيطة جدا بتوصف فيها حالة العار اللي الشركة الامريكية بقت فيها بعد ما باعت الشركة اسلحة الذكاء الاصطناعي للكيان عشان تستخدمهم ضد اهالينا، قالتله بما معناه “بتزعم وتقول ان التكنولوجيا دي للخير وانتو بايعينها للجيش عشان يمحي اهالينا”.
وده في وقت كان مصطفى بيعرض اخر تحديثات الذكاء الاصطناعي قدام بيل جيتس وستيف بالمر وغيرهم من كبار رجال الاعمال، ولما قالت كدة وهيا مش هايبة حد رد مصطفى البريطاني – السوري الاصل وقال “انا سامعكم .. شكرا ليكم” مع ابتسامة صفراء متوقعة والامن بيخرجها برة.
وده دليل ملموس على ان البشر نوعين ملهومش تالت نوع اسمه ابتهال ابو السعد ونوع اسمه مصطفى سليمان.
عشتي يا ابتهال وعيب عليك يا “مصطفى”. شكرا ✌️