دهون المطبخ من أكتر المشاكل اللي بتقابل كل ست بيت، خصوصًا على الخزائن الخشبية اللي بتتراكم عليها الزيوت والبقع مع الوقت، ولكن تتخيلي إنك ممكن تنظفيها من غير ما تبذلي أي مجهود كبير، والسر في حيلة بسيطة وآمنة، بتخلي التنظيف أسرع وأسهل، من غير فرك ولا تعب، الخزائن الخشبية هترجع تلمع وكأنها جديدة، والريحة الجميلة هتنتشر في المطبخ كمان، ومش بس كده، الطريقة دي آمنة تمامًا على الخشب ومابتأثرش عليه مع الوقت.
مكونات الحيلة السحرية في مطبخك
كل اللي هتحتاجيه هو: كوب من الخل الأبيض، ملعقة صغيرة من بيكربونات الصوديوم، معلقة كبيرة من سائل غسيل الصحون، ونص كوب ميه دافئة، امزجي المكونات كويس جدًا، وصبي الخليط في بخاخ نظيف، رشي على سطح الخزائن وسيبيه لمدة دقيقتين، بعد كده امسحيه بقطعة قماش ناعمة أو إسفنجة ناعمة، هتلاحظي الفرق من أول مسحة، والدهون هتتفتت لوحدها، واللمعة هتظهر من تاني، وكل ده من غير أي مواد كيميائية ضارة.
نصائح للحفاظ على لمعان الخشب
علشان تحافظي على نتيجة التنظيف لأطول فترة ممكنة، امسحي الخزائن مرة كل أسبوع بخليط بسيط من الخل والماء، واستخدمي قطعة قماش ناعمة باستمرار، كمان، ابعدي مصادر البخار والحرارة المباشرة عن الخشب، لأنها ممكن تسبب تلفه مع الوقت، وللمسة نهائية، ممكن تضيفي نقطة صغيرة من زيت الليمون بعد التنظيف، هيمنح الخشب لمعان جميل وريحه منعشة جدًا.