كتير من الناس يفتكروا إن أي سمكة شكلها عادي تبقى أكلها آمن، لكن الحقيقة إن فيه أنواع معينة ممكن تكون قاتلة لو ما اتعرفتش كويس، ومش كل حاجة بتلمع تتاكل، ومش كل سمكة لونها هادي تبقى بريئة، بعض الأسماك بتحتوي على سموم قوية جدًا ممكن تسبب شلل، تسمم، أو حتى وفاة في دقائق، واللي بيخلي الموضوع أخطر إن شكلها الخارجي مابينش أي علامة تحذير، عشان كده مهم نعرفهم ونبعد عنهم.
أخطر 6 أنواع لازم تبعد عنهم
1. السمكة النافية أو الأرنبية: موجودة في البحر الأحمر والمتوسط، وسمها بيصيب الجهاز العصبي ومفيش علاج معروف ليه.
2. السمكة الصخرية: شبه الصخر فعلًا، لكن فيها أشواك سامة لو دست عليها أو لمستها، السم ممكن يوصلك للقلب.
3. السمكة الفوغو (الينفوخ): مشهورة في اليابان، بس لو اتطهت غلط، جزء بسيط منها كفيل بقتل إنسان.
4. السمكة البخاخة: بتحتوي على سم التترودوتوكسين، أقوى من السيانيد، ومافيش له مصل مضاد.
5. سمكة الأسد: جمالها يخدعك، لكن شوكها سام ومؤلم جدًا.
6. سمكة العقرب: تشبه الأسد لكن أكثر سمية، واللمسة الواحدة منها كافية تسبب ألم شديد وورم ضخم.
حياتك أغلى من تجربة
الوعي أهم وسيلة للحماية. ماتسيبش نفسك لتجربة نوع سمك مش متأكد منه، خصوصًا لما تكون بتشتري من أماكن غير موثوقة أو من بائعين مش متخصصين، اسأل دايمًا، وابحث، وخد بالك من شكله وتفاصيله، السمك مصدر غذاء رائع، بس كمان ممكن يكون خطر حقيقي لو ما تعاملتش معاه بحذر، حياتك مش لعبة، ومفيش أكلة تستاهل تندم عليها طول عمرك.