معظم الناس بيرموا نواة التمر على اعتبار إنها ملاش استخدام، لكن الحقيقة إنها كنز طبيعي مذهل في فوائده، نواة التمر تحتوي على نسبة عالية من مضادات الأكسدة، الألياف، والفيتامينات، وده بيخليها مفيدة في مجالات كتيرة من العناية بالجمال للزراعة، وحتى للصحة العامة، طول عمرنا بنرميها ومش عارفين إننا بنفقد حاجة ممكن تغنينا عن منتجات باهظة الثمن في العناية بالبشرة والشعر، وتفيدنا كمان في الزراعة الطبيعية.
فوائد نواة التمر للبشرة والشعر
نواة التمر لما تطحن وتستخدم كزيت أو بودرة بتبقى مادة فعالة جدًا في تجديد خلايا البشرة، تقليل التجاعيد، وتوحيد لون الوجه، زيت نواة التمر غني بالأحماض الدهنية ومناسب للبشرة الجافة والمجهدة، كمان، بودرة نواة التمر تستخدم كماسك طبيعي مقشر يزيل الجلد الميت ويمنح إشراقة صحية، وأما للشعر، فزيت نواة التمر بيغذي فروة الرأس، يمنع التساقط، ويعزز نمو الشعر بشكل ملحوظ، وده كله من مكون بسيط كان بيروح في الزبالة.
استخدامات ذكية لنواة التمر في البيت
بعيدًا عن الجمال، تقدر تستخدمي نواة التمر في الزراعة كسماد عضوي طبيعي، بعد طحنها وخلطها مع التربة، كمان في ناس بيحمصوها ويطحنوها لعمل مشروب بديل للقهوة، لذيذ ومفيد وخالي من الكافيين، ممكن كمان تحتفظي بيها وتنقعيها وتستخدمي المية في ري الزرع، لأنها بتحتوي على مغذيات تفيد التربة والنباتات، ببساطة، نواة التمر مش بس شيء تافه، لكنها مورد طبيعي متعدد الاستخدامات لازم نعيد اكتشافه.