التخلّص من الشعر الأبيض حلم عند كتير من الستات، خصوصًا لما يبدأ يظهر في سن مبكر ويسيطر على شكل الشعر واللي بيخلّي الموضوع مزعج أكتر إن أغلب الحلول بتكون مؤقتة، زي الصبغات اللي بتغطي الشيب فترة قصيرة وبيرجع تاني علشان كده، في وصفات طبيعية ممكن تشتغلي عليها، مش بس علشان تقللي من الشيب، لكن كمان تفيدي شعرك وتحسّني صحته من الجذور.
طرق طبيعية للتخلص من الشعر الأبيض
فيه وصفات طبيعية فعالة ممكن تعتمدي عليها لو عايزة تودّعي الشيب بشكل تدريجي، ودي أبرزها:
خلطة زيت الخروع وزيت جوز الهند
الزيتين دول لما يتخلطوا مع بعض بيشكلوا تركيبة قوية لتحفيز الدورة الدموية في فروة الرأس، وتقوية الشعر من الجذور. كل اللي عليك تعمليه:
- اخلطي معلقة زيت خروع مع معلقتين من زيت جوز الهند.
- وزّعي الخليط على شعرك من أول الجذور لحد الأطراف، وسيبيه ربع ساعة.
- بعد كده اغسلي شعرك كويس بالشامبو.
عصير البصل لعلاج الشيب
البصل من الحاجات اللي ليها مفعول قوي في تقوية الشعر واستعادة لونه الطبيعي، وطريقته بسيطة:
- افرمي بصلة كويس واستخرجي العصير منها.
- دلّكي فروة رأسك بالعصير، وسيبيه نص ساعة.
- بعد كده اغسلي شعرك بالمية والشامبو.
الحناء مع القهوة لشيب الشعر
لو نفسك تغطي الشيب بطريقة طبيعية، جربي خلط الحناء بالقهوة، هتديكي لون مميز وتقضي على الشيب مع الوقت:
- امزجي 5 معالق صغيرة من الحناء مع معلقة قهوة وكوب مية دافئ.
- وزّعي الخليط على شعرك وسيبيه حوالي 5 ساعات.
- اغسلي شعرك بعد كده كويس بمية فاترة وشامبو طبيعي.