بذور الكتان غنية بمواد مضادة للأكسدة وأحماض دهنية مهمة بتحارب علامات الشيخوخة وبتحفز إنتاج الكولاجين اللي بيدي للبشرة مظهر مشدود ومشرق وده بيخليها من المكونات الطبيعية اللي ليها تأثير واضح على نضارة البشرة
ماسك يومي سحري لبذور الكتان
مكوناته بسيطة وسهلة ملعقة كبيرة من بذور الكتان المطحونة وملعقة صغيرة عصير ليمون ونصف ملعقة كبيرة نشا وملعقة صغيرة جل صبار بيتخلط كله لحد ما يبقى قوامه تقيل
يتحط على الوجه لمدة ساعة لحد ما ينشف ويتفرك برفق عشان يشيل الخلايا الميتة ويفتح البشرة وبعدها يتغسل بمية باردة وندهن زيت بذور الكتان عشان نرطب البشرة ونخليها ناعمة
ماسك سريع للناس المستعجلة
بنغلي ملعقتين بذور كتان في 3 كوبايات مية لحد ما يتحول لقوام جيلاتيني وبعدين نصفيه ونحطه في برطمان زجاجي محكم ونستخدمه كماسك بسيط
نحطه على البشرة ربع ساعة وبس
الفوائد الجمالية الكاملة للماسك
ماسك بذور الكتان مش بس بيرطب البشرة وبيحافظ على نعومتها ده كمان بيشيل التصبغات والبقع الداكنة وبيحمي الجلد من الجفاف والالتهابات
كمان بيعزز مرونة البشرة وبيقلل من الترهلات وبيساعد في الحفاظ على المظهر المشدود والمتجانس
تنظيف المسام بعمق
الماسك كمان بيخترق المسام وبيطرد الدهون المتراكمة وده بيساعد في تحسين شكل البشرة وصحتها بشكل عام ومع الاستخدام اليومي ممكن تلاحظي فرق كبير في فترة قصيرة