تويوتا رجعت وبقوة، وقررت تقلب الموازين في فئة السيارات الاقتصادية، بعد الكشف عن الجيل الجديد من سيارتها الصغيرة Toyota Yaris، اللي جاية بتصميم حديث، ومواصفات تخلي أي منافس يعيد حساباته، وعلى رأسهم كيا بيجاس وكيا ريو.
تصميم عصري يلفت الأنظار
التغيير بدأ من الشكل الخارجي، واللي بقى هجومي أكتر، بشبكة أمامية واسعة، ومصابيح LED حادة، وخطوط جانبية ديناميكية تدي إحساس بالرقي رغم صغر الحجم. السيارة جاية بروح شبابية ورياضية تخلي أي حد يدوّس فرامل قدامها.
مواصفات يابانية محترمة
تويوتا يارس 2025 جاية بمحرك اقتصادي 1.5 لتر، 4 سلندر، بقوة 106 حصان، مع ناقل حركة CVT ذكي بيقدم نعومة في القيادة واستهلاك وقود ممتاز بيوصل لـ 20 كم/لتر تقريبًا، واللي يخليها من أكثر السيارات توفيرًا في البنزين في فئتها.
راحة وأمان.. بدون تنازل
رغم إنها سيارة مدمجة، تويوتا ما بخلتش على يارس بأنظمة الأمان، فهتلاقي فيها:
- نظام مانع انغلاق الفرامل ABS
- توزيع إلكتروني للفرامل EBD
- 6 وسائد هوائية
- نظام ثبات إلكتروني
- حساسات ركن وكاميرا خلفية
وكمان جاية بمقصورة داخلية بتصميم جديد، شاشة لمس 8 بوصة، Apple CarPlay وAndroid Auto، تكييف أوتوماتيك، وتحكم من عجلة القيادة.
كيا لازم تراجع نفسها
مع كل المزايا دي، وسعر متوقع يبدأ من 18,000 دولار تقريبًا (أو ما يعادل 670,000 جنيه مصري)، تويوتا يارس الجديدة فعليًا كسرت عضم المنافسين، وقد تخلي كيا تراجع استراتيجية تسعيرها ومواصفات عربياتها في نفس الفئة.