كل ست بيت عارفة قد إيه تنظيف المطبخ، خصوصًا الخزائن الخشبية، بيكون تحدي حقيقي، مع مرور الوقت، بتتراكم الدهون والأتربة على الأسطح، وبتتحول البقع لطبقة لزجة صعبة الإزالة، وخصوصًا في الزوايا والمقابض، وعلى الرغم من استخدام المنظفات الجاهزة والاسفنجات القاسية، إلا إن النتيجة بتكون مؤقتة أو بتسيب أثر باهت على الخشب، والأسوأ من كده إن بعض المنظفات فيها مواد كيميائية بتأثر على لون ولمعة الخشب، وهنا بييجي السؤال، إزاي ننظف بفعالية ومن غير ما نضر الخامة أو نرهق نفسنا.
المكون السحري اللي موجود في كل بيت
السر الحقيقي في التنظيف الفعال والبسيط هو خلطة آمنة مكونة من مكونات موجودة عندنا في المطبخ، كل اللي هنحتاجه هو كوب من الخل الأبيض، نص كوب من زيت الزيتون، وملعقة صغيرة من عصير الليمون، وامزجي المكونات كويس في بخاخ، ورشيه مباشرة على الخزائن، وبعدها امسحيها بقطعة قماش ناعمة وجافة، الخل بيساعد في تفكيك الدهون، وزيت الزيتون بيرجع اللمعة الطبيعية للخشب، أما الليمون فبيضيف ريحة منعشة بتدي إحساس بالنظافة، والأجمل، ومفيش حاجة تحتاجي تفركيها بعنف أو تعيدي تلميعها تاني.
النتيجة خزائن بتبرق وريحة منعشة
الطريقة دي مش بس بتوفر الوقت والمجهود، لكنها كمان بتحافظ على شكل الخشب الطبيعي وبتخلي مطبخك يلمع كأنه لسه جديد، وبعد ما جربتها عدد كبير من الستات على مواقع التواصل، الكل أجمع إن دي أسهل وأأمن طريقة للتنظيف، خصوصًا لو في أطفال في البيت، مفيش ريحة كيميائية، ومفيش تعب، وجربيها مرة، وهتلاقي نفسك بتستخدميها دايمًا مش بس للخزائن، لكن كمان لأسطح تانية زي الطاولات والأدراج، ودعي تعب التنظيف، وابدئي صفحة جديدة مع مطبخ لامع وبمنتهى السهولة.