البرص واحد من أكثر الكائنات المزعجة والمقززة التي قد تظهر في أي منزل فجأة ويتسبب في حالة من الذعر خاصة بين الأطفال والسيدات ورغم صغر حجمه إلا أن وجوده في البيت غير مرحب به على الإطلاق والأسوأ من ذلك أنه سريع الحركة ويصعب الإمساك به لكن المفاجأة أن هناك وصفة سحرية بسيطة بمكونات موجودة في كل بيت يمكنها القضاء عليه نهائيًا ومنع دخوله للمنزل مرة تانية كأنك قفلت الباب في وشه للأبد.
المكونات السحرية اللي بتطرد البرص من أول مرة وبتخوفه من الرجوع
أغلب الناس بيستخدموا مبيدات أو طرق بدائية ما بتجيبش نتيجة لكن السر الحقيقي هو في مكونات طبيعية البرص ما يقدرش يتحملها وعلى رأسها الثوم والشيح والفلفل الأسود حيث إن ريحتهم بتخلي البرص يهرب فورًا وما يقدرش يقرب للمكان الموجود فيه ولو تم خلط المكونات دي مع شوية خل أو عصير ليمون واتبخرت بيهم زوايا البيت هتلاحظ الفرق من أول يوم بالإضافة إلى إنك ممكن تحط شرايط من قشر البيض في أماكن تواجده لأنه بيعتقد إنها رؤوس ثعابين وبيخاف منها.
خطوات استخدام الوصفة بشكل صحيح علشان النتيجة تكون مضمونة
ابدأ بطحن كمية من الثوم مع الفلفل الأسود وأضف عليهم شوية خل وامزجهم كويس لحد ما يبقى عندك خليط شبه العجينة وابدأ امسح بيه حواف الشبابيك والأبواب والزوايا اللي ممكن يخرج منها البرص وكمان ممكن ترش شوية من الخلطة دي على قطعة قطن وتحطها ورا الستائر أو في المطبخ وبعد كده ولع بخور الشيح في أركان البيت وسيبه شغال لمدة عشر دقايق كل يومين ولو استمريت على الطريقة دي لمدة أسبوع هتلاحظ اختفاء البرص تمامًا وكأنك ما شفتوش من الأساس.