في وقت الناس كلها بتدور على أدوية وسعرها غالي عشان يسيطروا على السكر ويحافظوا على صحة الدماغ في سن كبير تلاقي الحل موجود قدامك من زمان وانت مش مديله أي اهتمام، بنتكلم هنا عن نبتة “إكليل الجبل” أو الروزماري اللي موجودة في رف البهارات عند أغلب البيوت ومحدش بيتخيل إن ليها تأثير كبير في تنظيم معدل السكر في الدم وكمان تقوية الذاكرة بشكل ملحوظ مع الاستمرار عليها، العلماء أكدوا إن فيها مواد فعالة بتحسن استجابة الجسم للأنسولين وبتقلل من فرص الإصابة بالزهايمر مع التقدم في السن.
إزاي الروزماري بيأثر على الذاكرة والجسم بشكل عام؟
المكون السحري الموجود في الروزماري بيساعد على تحسين تدفق الدم في الدماغ وده معناه إن العقل بيشتغل بكفاءة أكتر والذاكرة بتبقى أنشط والتركيز بيزيد، كمان ليه تأثير مباشر على الأعصاب وبيقلل التوتر وده بيساعد على الوقاية من تدهور الحالة الذهنية، ومن الناحية التانية بيساعد في التحكم في مستوى السكر خصوصا للناس اللي بيعانوا من ارتفاعه بشكل متكرر وده عن طريق تنظيم إفراز الجلوكوز في الجسم.
أفضل الطرق لاستخدام الروزماري في حياتك اليومية
تقدري تضيفيه على الأكل زي اللحوم أو الفراخ أو حتى في الشوربة وممكن كمان تغلي شوية من أوراقه وتشربيهم كشاي يومي، واللي مش متوقع إنك ممكن تستخدميه كزيت عطري للتدليك أو استنشاقه وقت الزحمة العصبية لأنه بيهدي الأعصاب ويحفز النشاط الذهني بشكل فوري.
الروزماري نبتة بسيطة لكن تأثيرها مش بسيط خالص على الجسم والعقل، لو بدأت تدخلها في يومك بشكل منتظم هتلاحظ تحسن في نشاطك الذهني ونومك وسكرك كمان، متخليش الكنز ده يعدي من قدامك كل يوم من غير ما تستفيد منه.