وسط الزحمة والوجبات السريعة والمجهود اليومي بقت مشاكل القولون والإمساك شبه عادة عند ناس كتير وكل يوم بيبدأ بمغص أو انتفاخ أو شعور بضيق في البطن، لكن اللي محدش واخد باله منه إن الحل الحقيقي للمشكلة دي مش بعيد أبدا، موجود في المطبخ وبيتنسى وسط باقي الحاجات، بنتكلم عن مشروب النعناع المغلي اللي ريحته لوحدها بتريح المعدة وبتدي الجسم شعور بالهدوء والراحة، النعناع معروف من زمان بتأثيره المذهل على الجهاز الهضمي وتنظيم حركة الأمعاء وكمان بيطرد الغازات ويمنع التقلصات بكل سهولة.
إزاي النعناع بينقذ بطنك من المعاناة اليومية؟
النعناع فيه زيوت طبيعية زي المنثول ودي بتساعد على استرخاء عضلات الجهاز الهضمي وبتمنع التشنجات اللي بتسبب المغص، كمان بيحفز إفراز العصارات الهضمية اللي بتسهل الهضم وبتخلي الفضلات تتحرك بسهولة في الأمعاء وده معناه إنه بيطرد الإمساك من أول استخدام، وميزة النعناع إنه مش بس فعال لكنه كمان آمن وطبيعي ومافيش منه أي ضرر.
الطريقة الصح لتحضير مشروب النعناع العلاجي
كل اللي محتاجه إنك تغلي شوية أوراق نعناع طازجة أو حتى مجففة في كوباية مية لمدة 5 دقايق وبعد كده تشربه دافي، ممكن تضيف نقطة عسل لو حبيت تحلي الطعم بس حتى من غير سكر طعمه مقبول جدا ومفعوله بيفاجئك بسرعة.
اللي بيدور على علاج سريع وآمن ومن قلب المطبخ لحل مشاكل القولون والمغص والإمساك هيلاقي الحل في كوباية نعناع دافية، ريحته بتفتح النفس ومفعوله بيهدي البطن من أول لحظة. جربه وهتحس إنك رجعت مرتاح من جوه.