كثير من السيدات يبحثن يوميًا عن أسرع وأسهل الطرق لتقشير الثوم، خاصة عندما يكون التحضير لوجبة دسمة أو عزومة، حيث يعتبر تقشير الثوم من أكثر المهام إزعاجًا في المطبخ، من هنا تبدأ الحكاية، جارتي اللهلوبة فاجأتني بحيلة ذكية لم تخطر على بالي أبدًا، طريقة سحرية، غير تقليدية، وفوق كل ده فعالة جدًا، وبمجرد ما جربتها، نسيت تمامًا الطريقة القديمة، وقررت أعتمدها على طول.
السر في الزجاجة
جارتي دخلت المطبخ ومعاها زجاجة بلاستيكية فاضية، وورتني خدعتها السحرية، ببساطة، حطت فصوص الثوم داخل الزجاجة، وبدأت ترجها بشدة لمدة دقيقة تقريبًا، والنتيجة القشرة اترفعت تمامًا عن الفصوص كأنها اتقشرت بالسحر، ومش بس كده، الطريقة دي نظيفة، ومابتسيبش ريحة في الإيد، وكمان بتوفر وقت وجهد كتير، لما سألتها عن السبب، قالتلي إن الاهتزاز السريع بيكسر القشرة ويفصلها تلقائيًا عن الفص، وده بيسهل التقشير جدًا، وفعلاً، الطريقة دي تستحق التجربة.
كمان في الميكروويف جربيها
جارتي كمان شاركتني حيلة تانية عبقرية: الميكروويف، ببساطة، حطت فصوص الثوم في طبق ودخلتهم الميكروويف لمدة 15 ثانية، ولما طلعوا، كانت القشرة طالعة بسهولة جدًا، وكل فص بيطلع ناعم وسليم من غير أي مجهود، الحرارة بتفكك الروابط اللي بتربط القشرة بالثوم، وده بيخلي العملية أسهل بكتير، والطريقة دي مفيدة خصوصًا لو مستعجلة أو بتجهزي وجبة كبيرة والأجمل، مفيش أي رائحة لازقة في الإيد، وكل حاجة نظيفة ومرتبة.
ليه لازم تسيبي الطرق القديمة
بعد ما جربت الطريقتين دول، أدركت إن الطرق القديمة زي استخدام السكين أو الدق بالمطرقة كانت بتضيع وقتي، وبتخلي ريحة الثوم تفضل في إيدي بالساعات كمان، الطريقة اليدوية كانت بتكسر الفصوص وتخليها تفقد جزء من نكهتها، ولكن مع الحيل اللي علمتهالي جارتي، بقى الموضوع أسرع، أنظف، وممتع كمان، صدقيني، أول ما تجربيهم، مش هترجعي تاني لأي طريقة تانية، السر كله في الذكاء مش في التعب.