في بيوت كثيرة، مخلل الزيتون مش بس نوع من المقبلات، لكنه طقس أساسي مع الأكل، خصوصًا في البلاد اللي بتحب النكهات القوية والطبيعية، الناس زمان كانوا بيخللوا الزيتون في البيت، وكانت كل ست بيت ليها طريقتها، لكن طريقة جدتي تحديدًا اتشهرت بطعمها المميز وخلوّها التام من المرارة، وده اللي هنكشفه في السطور الجاية خطوة بخطوة.
مقادير متوازنة لضمان الطعم والمذاق
كل اللي هتحتاجيه هو:
- 2 كيلو زيتون (أخضر أو أسود حسب الرغبة)
- 1 كوب ملح خشن
- 2 لتر ماء
- 1 كوب عصير ليمون
- 2 ملعقة كبيرة خل أبيض
- 4 فصوص ثوم شرائح
- 2 ملعقة صغيرة كزبرة ناشفة
- 2 قرن فلفل حار (اختياري)
- شرائح ليمون
انقعي الزيتون بعد تشقيقه في ماء نقي 10 أيام مع تغيير الماء يوميًا، وده بيقلل المرارة تدريجيًا.
التحضير والتخزين الآمن
اخلطي كل مكونات المحلول الملحي، وصبيها فوق الزيتون في برطمان زجاجي نظيف ومعقم، واحرصي إنه يكون الزيتون مغطى تمامًا بالسائل، غطي الوجه بطبقة زيت زيتون، وقفلي البرطمان كويس وخزنيه في مكان مظلم 3 أو 4 أسابيع.
بعد تلك المدة ،سوف يكون لديك مخلل زيتون بطعم ولا أروع، أنضج وأنظف من الجاهز، من غير أي مرارة تزعلك.