مع دخول الصيف وارتفاع درجات الحرارة تبدأ معاناة البيوت مع ظهور الصراصير الصغيرة والكبيرة في كل زاوية ومكان، سواء في المطبخ أو الحمام أو حتى في غرف النوم، المشكلة الأكبر إن المبيدات غالبًا ما بتموت الصرصار الظاهر بس، وتسيب العش كامل مستني الليل عشان يطلع! علشان كده العجينة الجبارة اللي هنتكلم عنها النهارده مش بس بتقتل الصرصار اللي بيظهرلك، دي كمان بتوصل للعش وتقضي عليه من الجذور.
خليط بسيط بمفعول سحري يقلب البيت كله
كل اللي هتحتاجيه مكونين فقط من مطبخك: حمض البوريك والدقيق أو السكر، في طبق صغير، حطي معلقتين من حمض البوريك مع معلقة كبيرة دقيق أو سكر وقلبيهم كويس لحد ما يبقى عندك عجينة متماسكة شوية، العجينة دي بتجذب الصراصير لأنها بتشبه الأكل، لكن أول ما يكلوها، حمض البوريك بيبدأ يشتغل ويقضي عليهم تمامًا.
المناطق اللي لازم تحطي فيها العجينة علشان مفعول مضمون
بعد ما تعملي العجينة، خدي منها كرات صغيرة بحجم حبة الحمص، ووزعيها في الأماكن اللي بتظهر فيها الصراصير.ط، حطيها ورا البوتجاز، تحت التلاجة، جنب الأحواض، وفي زوايا الحمام، وكمان جوه الأدراج وتحت الأثاث لو تقدري. كوني ذكية وركزي على الأماكن اللي دايمًا بتلاحظي فيها الحركة، العجينة هتشتغل في صمت، وهتلاقي بعد كام يوم إن عدد الصراصير بدأ يقل لحد ما يختفوا تمامًا.