المكرونة من أسهل وأسرع الوجبات اللي معظم الناس بتعتمد عليها، خصوصًا في الأيام اللي بيكون فيها الوقت ضيق أو الضيوف على الأبواب، بس اللي كتير من ربات البيوت مش واخدين بالهم منه، إن في أخطاء شائعة أثناء طهي المكرونة ممكن تحول الطبق اللذيذ ده إلى مصدر خطر حقيقي على الصحة بل وعلى الحياة.
الغليان مش كفاية.. نوع الحلة والغطا يفرق في النتيجة
فيه سيدات بيغلطوا غلطة كبيرة لما بيغلفوا الحلة بغطاء محكم بعد إضافة المكرونة وتركها تغلي، وده بيخلي النشا يتركز ويتحول لبيئة خصبة لنمو بكتيريا لو تم تبريدها غلط أو تخزينها لفترة طويلة، الأغرب إن فيه دراسات طبية أكدت إن المكرونة لما تفضل برا التلاجة بعد الطبخ ممكن تنتج سموم قاتلة مش بتروح حتى بعد إعادة التسخين.
إعادة التسخين مش دايمًا آمنة.. والنتيجة ممكن تبقى مأساوية
ناس كتير بيسيبوا باقي المكرونة في الحلة على البوتجاز أو في المطبخ ساعات طويلة، ويرجعوا يسخنوها تاني وقت الأكل، بس الحقيقة إن التسخين ده مش كفاية لقتل السموم اللي بتتكون من نوع خطير من البكتيريا اسمه Bacillus cereus، وده اتسبب في حالات تسمم مميتة في دول كتير، منهم شباب فقدوا حياتهم بعد وجبة مكرونة كانت بايتة.
اعملي الصح من دلوقتي.. وابدأي بخطوة بسيطة تحمي ولادك وجوزك
أول ما المكرونة تستوي، صفيها فورًا، ووزعيها في أطباق صغيرة، وادخليها التلاجة لو مش هتتاكل فورًا، بلاش تسيبيها مكشوفة أو في حلة سخنة، ولو بقت عندك، سخنيها كويس على درجة حرارة عالية جدًا، لأن سلامة أسرتك تستحق كل دقيقة زيادة في المطبخ.