الكوسا معروفة إنها من الخضروات الصحية والخفيفة على المعدة واللي دايمًا بنحب نضيفها للأكل خصوصًا للأطفال، بس اللي كتير ما يعرفوشه إن في نوع معين من الكوسا بيكون خطر جدًا على الصحة وبيتحول لسم قاتل في الجسم، النوع ده بيحتوي على مادة طبيعية اسمها “الكوكربيتاسين”، وهي مادة مرة جدًا وسامة لو زادت عن حدها، وموجودة في بعض ثمار الكوسا اللي اتعرضت للطفرات أو زرعت بشكل خاطئ.
علامات بسيطة لو شفتها ابعد فورًا عن الطبق
لو الكوسا كان طعمها مر بطريقة مش طبيعية أو لونها مائل للصفرة الغامقة أو فيها خطوط خضراء داكنة مش معتادة، دي علامة قوية على إن فيها نسبة عالية من المادة السامة، الطعم المر هو أول إنذار، ومجرد تذوق كمية بسيطة منها ممكن يسبب غثيان شديد وقيء وإسهال حاد، وقد يؤدي في حالات نادرة لتسمم خطير يحتاج تدخل طبي فوري.
موقف حصل بجد وحالات دخلت المستشفى
في أكتر من واقعة حول العالم تم تسجيل حالات تسمم بعد تناول كوسا مرّة، وناس اضطرت تدخل المستشفى بعد أكلها بوقت قصير، وده خلا وزارات الصحة والزراعة في دول كتير تطلق تحذيرات رسمية بعدم أكل أي كوسا طعمها مش طبيعي، وضرورة التخلص منها فورًا وعدم المجازفة حتى لو كنت جعان.
خلي بالك من اللي بتحطه في طبقك.. سلامتك أهم من أي وجبة
مش أي خضار شكله نضيف يبقى آمن، والكوسا تحديدًا لازم تتذوقي منها حتة صغيرة قبل الطبخ، ولو حسيت بأي طعم غريب أو مر، ارميها فورًا وما تستهونيش، صحتك فوق كل شيء، ومتجيش تقول معرفش لأن المعلومة وصلت لحد عندك دلوقتي.