في عالم الوصفات والتجارب المنزلية بنكتشف يوم بعد يوم إن في حاجات بسيطة حوالينا ممكن تتحول لحاجات عبقرية، ومن الحاجات دي البيبسي أيوه، المشروب الغازي اللي عمرنا ما تخيلنا إن له استخدامات تانية غير الشرب، لكن المفاجأة الكبيرة كانت لما ناس كتير جربوا يحطوا البيبسي على النار وكانت النتيجة مذهلة بكل المقاييس.
إزاي بدأت التجربة؟
في البداية كانت مجرد تجربة فضول من ست بيت حبت تشوف هيحصل إيه لو غلت البيبسي، وفعلاً حطته على النار، وبعد دقائق البيبسي ابتدى يتبخر والسائل يتحول لشراب لزج وغامق اللون له ريحة قوية وشكل كراميل.
صوص كراميل جاهز من غير تعب
النتيجة كانت إن البيبسي بعد التسخين اتحول لصوص كراميل رائع ممكن يتضاف على الحلويات زي الكيك والآيس كريم أو حتى يُستخدم في تتبيلة اللحوم، الطعم بيكون مزيج بين السكر والكراميل مع لمسة خفيفة من الفواكه، وده خلاه مثالي كإضافة مبتكرة لأطباق كتير.
ليه الاختراع ده بملايين؟
لو فكرنا شوية الشركات الكبيرة بتصرف ملايين عشان تعمل صوصات بطعم ونكهة مميزة، وإحنا عندنا في بيتنا مشروب ممكن يتحول لصوص خطير ومميز بتكلفة زهيدة جدًا، ده غير إن الموضوع سهل وسريع ومش محتاج أي مكونات إضافية.
جربي بنفسك ومش هتصدقي
جربي تحطي شوية بيبسي على النار على نار هادية وسيبيه يغلي لحد ما يقل ويتقل وهتشوفي السحر بعينك، ممكن تبهري بيه ضيوفك وتستخدميه في وصفات مبتكرة، وهتكوني أول واحدة من صحابك اللي عرفت السر ده.