في فصل الصيف تحديدا، بتكون مشكلة الحشرات المنزلية زي النمل والصراصير صداع في رأس كل ست بيت، كتير من الناس بيلجأوا للمبيدات الكيميائية اللي ممكن تأذي الصحة خصوصًا مع الأطفال أو الحيوانات الأليفة لكن الحل مش لازم يكون خطير عشان يكون فعال، لأن في طرق طبيعية وسهلة بتساعد تطرد الحشرات من البيت بشكل آمن وفعال
الخل الأبيض أقوى سلاح طبيعي
الخل الأبيض واحد من أشهر الوسائل الطبيعية لطرد الحشرات، اخلطي كميات متساوية من الخل والمية في بخاخ، ثم ؤشي المزيج في الزوايا والشقوق اللي بيظهر فيها النمل أو الصراصير، الرائحة القوية للخل بتخلي الحشرات تهرب من المكان فورًا
زيت النعناع وسيلة سريعة ومريحة
زيت النعناع من الزيوت العطرية اللي بتزعج الحشرات جدًا
- ضيفي شوية قطرات منه على مية دافية ورشيها في الأماكن اللي بيظهر فيها النمل أو الحشرات
- هتلاحظي الفرق بسرعة والحشرات هتسيب المكان
قشور الليمون طاردة طبيعية برائحة منعشة
- لو عندك ليمون استخدمي قشوره
- افركي بيها الأماكن اللي فيها حشرات
- الحمضيات في القشور دي بتكون مزعجة للحشرات وبتمنعها ترجع تاني
القهوة مشروب مفيد ووسيلة طرد طبيعية
- رشي شوية قهوة مطحونة أو حبوب كاملة في الزوايا أو عند النوافذ
- رائحة القهوة القوية بتبعد النمل
- والصراصير من غير أي ضرر