لو عندك ليمون ناشف في مطبخك متفكريش ترميه لأنه كنز حقيقي تقدرِ تستخدميه في حاجات كتير سواء في التنظيف أو الطبخ أو حتى للعناية ببشرتك الليمون الناشف فيه عناصر مركزة وزيوت طبيعية بتخليه مثالي لمهام كتير جوه بيتك
تحضير توابل لذيذة من الليمون الناشف
- الليمون الناشف ممكن يتحول لمسحوق ممتاز للتتبيل بيديك نكهة حمضية مميزة
- جففيه كويس واطحنيه لغاية ما يبقى بودرة
- استعمليه على السمك المشوي أو الدجاج أو السلطات كبديل طبيعي عن الخل أو الليمون الطازج
تنظيف وتلميع الأواني وإزالة الروائح
- افركي بيه الأواني النحاس أو الفضة علشان ترجعلها لمعتها
- ممكن تحطي قطع منه في التلاجة أو الدولاب علشان تشيلي أي ريحة مش محبوبة
شاي دافي وصحي من الليمون الناشف
- قطعيه شرائح وانقعيه في مياه سخنة
- ممكن تزودي عسل أو نعناع علشان يبقى طعمه أحلى
- هيقوي المناعة ويساعد في الهضم
تعطير وتنظيف البيت من غير كيماويات
- اغلي شرايح ليمون ناشف مع قشر برتقال وقرفة
- هيخلي ريحة البيت منعشة وطبيعية
- كمان ممكن تنقعيه في خل أبيض وتستعمليه كمنظف فعال للزجاج والأسطح
سماد طبيعي للتربة من الليمون الناشف
- قطعيه قطع صغيرة واخلطيه مع التربة
- هيساعد يحسن جودتها ويغذي النبات
قناع للبشرة من الليمون الناشف
- اطحنيه واخلطيه بعسل أو زبادي
- وزعيه على وشك واستني شوية
- هيساعد يفتح البشرة ويشيل البقع
مكعبات ثلج منعشة للمشروبات
حطي قطع ليمون ناشف في قوالب التلج
ضيفيها لعصيرك أو المياه وهتدي طعم ورائحة حلوة