يعتبر الموز فاكهة محبوبة في كل بيت، لكن مؤخرا طلع كلام غريب: “الموز فيه إشعاع!”، حسب ما قاله عالمان من جامعة بكين. الباحثان “جيان ساوتيان” و”ليأو حيه” أشاروا في دراستهما إلى أن الموز يحتوي على عنصر البوتاسيوم-40، وهو مصدر إشعاعي طبيعي، ورغم إن الجرعة الناتجة عن أكل موزة واحدة لا تتعدى 0.0778 ميكروسيفرت، إلا إن الرقم أثار الجدل، خاصة بعد المقارنة بتصوير مقطعي للصدر يعادل أكل 70 ألف موزة! لكن هل فعلا الموز خطر، ولمزيد من التفاصيل تابعوا السطور التالية.
العلم يوضح الموز آمن طالما نأكله باعتدال
الدكتور محمد الحوفي، استشاري التغذية العلاجية، رد على هذا الجدل وأكد إن الكلام ده فيه مبالغة كبيرة، قد أوضح إن عشان يكون في خطر فعلي، الشخص محتاج ياكل 275 موزة يوميا لمدة 7 سنين، وده مستحيل! وأكد إن الموز الطبيعي مفيد جدا طالما سليم القشرة و قد تم غسلة بشكل نظيف، لكي يتم أكلة بكل ثقة وبدون حدوث أي خطر.
فوائد الموز لا تزال قوية
الموز بيحسن الهضم، ويدعم القلب، ويدي طاقة، وكمان يساعد على استرخاء العضلات وتحسين المزاج، و علشان كده، ننصح بتناوله بين الوجبات، و تجنب الموز شديد الاستواء لو عندك سكري، وكمان اغسل إيدك بعد التقشير لتفادي أي ميكروبات، و
في النهاية الموز آمن ومفيد، والخوف منه مجرد تهويل مش مدعوم بأدلة عملية حقيقية.