كلنا جربنا نعمل بطاطس مقلية في البيت، لكن دايمًا بيبقى في فرق واضح بينها وبين بطاطس المطاعم اللي بتكون مقرمشة من بره وطرية من جوه، ويمكن فكرتي إن السر في نوع البطاطس أو الزيت أو حتى طريقة التقطيع، ولكن الحقيقة إن في خطوة واحدة بس، بسيطة جدًا، هي اللي بتفرق وتخلي النتيجة خرافية.
الخطوة الذهبية لقرمشة مثالية
السر اللي كتير ما يعرفوش عنه حاجة هو إنك تسلق البطاطس نصف سلقة قبل القلي، وده اللي بيخليها تاخد القرمشة المطلوبة وفي نفس الوقت تفضل طرية من الداخل، الطريقة سهلة جدًا:
- قشري البطاطس وقطعيها صوابع متساوية.
- اغلي ماء مع ملعقة صغيرة خل وملح، وحطي البطاطس فيه لمدة من 5 إلى 7 دقائق.
- بعد كده صفيها فورًا من الماء، وسبيها تبرد تمامًا.
- ممكن تحطيها في الفريزر ربع ساعة قبل القلي علشان تكون النتيجة أقوى.
ليه بتنجح الطريقة دي؟
- اللي بيحصل أثناء نصف السلق هو إن النشا اللي على سطح البطاطس بيبدأ يتفكك، وده بيساعد على تكوين طبقة خفيفة بتقرمش وقت القلي.
- وفي نفس الوقت، البطاطس من الداخل بتظل طرية ولذيذة، وده بيخليها تطلع زي اللي بناكلها في المطاعم الكبيرة بالضبط.
نصائح لنتيجة أقرب للاحتراف
لو عايز ترفع مستوى الوصفة أكتر، جرب الخطوات دي:
- استخدم زيت غزير وساخن جدًا (درجة حرارة 180 تقريبًا).
- اقلي البطاطس على مرتين: الأولى على نار متوسطة، والتانية على نار عالية عشان تتحمر.
- بعد القلي، صفي البطاطس على مناديل مطبخ، وبعدين رشي عليها ملح أو توابل وأنت لسه سخنة.