في الوقت اللي بنرمي فيه نواة التمر كأنها مخلفات لا قيمة لها، اتضح إنها كنز طبيعي مهمل مليان فوائد مذهلة، نواة التمر مش بس بقايا أكل، دي مكون سحري ممكن يحول روتين جمالك وصحة شعرك، بل وتستخدم كسماد عضوي ينعش زرع البيت ويغذي التربة، ومع شوية وعي، ممكن تكتشفي عالم كامل من الفوائد موجود جوا كل نواة.
نواة التمر وجمال بشرتك
نواة التمر تحتوي على مضادات أكسدة قوية، وزيوت طبيعية غنية بالأحماض الدهنية اللي بتساعد على ترطيب البشرة، محاربة التجاعيد، وتوحيد لون الجلد، بإمكانك طحن النواة بعد تحميصها واستخدام البودرة في عمل ماسكات طبيعية، أو استخلاص الزيت منها وتدليك الوجه بيه يوميًا، النتيجة بشرة أنعم، أنقى، ومليانة نضارة.
الحل السحري لتساقط الشعر وتقويته
زيت نواة التمر من الزيوت اللي لسه ناس كتير ما تعرفش قيمتها، بيحتوي على مواد مغذية لفروة الرأس، تعزز من نمو الشعر وتمنع تساقطه، دلكي فروة رأسك بكمية بسيطة منه مرتين أسبوعيًا، وهتشوفي الفرق في كثافة الشعر ولمعانه في وقت قصير، كمان ممكن تخلطيه مع زيت الخروع أو زيت الزيتون لنتيجة مضاعفة.
سماد طبيعي لزرع البيت
مش بس لجمالك، نواة التمر ممكن تكون سرك في زراعة ناجحة داخل البيت، وبعد طحنها، تقدر تستخدميها كسماد عضوي غني يساعد على تحسين جودة التربة، وزيادة تغذية النباتات، وده بيخلي زرعك يزدهر بشكل طبيعي من غير أي مواد كيماوية.