تعتمد الكثير من السيدات على منتجات بسيطة موجودة في المنزل لحل مشاكل يومية دون الحاجة للذهاب إلى الصيدلية أو مراكز التجميل، ويعد الفازلين من أبرز هذه المنتجات التي تخدمك في أكتر من حاجة، من غير ما تاخدي بالك مش بس مرطب للشفايف، لكنه بيساعدك في حاجات ممكن متتوقعيش إنها ليه.
1. مزيل مكياج آمن وسهل
يساعد الفازلين على إزالة المكياج المقاوم للماء بدون ما يهيج البشرة أو يسبب جفاف.
طريقة الاستخدام:
- خدي نقطة صغيرة على قطعة قطن.
- امسحي المكياج بلطف واغسلي بعدها بماء فاتر.
- هتحسي ببشرتك نضيفة ومرتاحة وكأنك لسه خارجة من جلسة تنظيف عميقة.
2. ودّعي جروح الأحذية الجديدة
لو الحذاء الجديد بيجرّحك أو بيعمل احتكاك مزعج، الفازلين هيكون منقذك.
طريقة الاستخدام:
- ادهني نقطة صغيرة على المناطق اللي بتحتك بالحذاء.
- هتلاقي الراحة على طول والاحتكاك اختفى.
3. علاج فوري للشفاه المتشققة
في الشتاء أو تحت المكيف، شفايفك بتحتاج ترطيب يومي. الفازلين هيخليها طرية وناعمة.
طريقة الاستخدام:
- ادهني طبقة خفيفة قبل النوم.
- في الصباح هتصحي على شفايف ناعمة كأنك استخدمتي أغلى بلسم.
4. سر جمال أطراف الشعر
لو بتعاني من تقصف وهيشان في أطراف شعرك، جربي حيلة الفازلين.
طريقة الاستخدام:
- دلكي أطراف الشعر بكمية صغيرة واتركيها 15 دقيقة.
- اغسلي بشامبو مناسب، وهتشوفي الفرق من أول مرة.
5. ثبتي عطرك طول اليوم
الفازلين بيشتغل كقاعدة ممتازة للعطر، يخليه يثبت ويدوم لأطول فترة ممكنة.
طريقة الاستخدام:
- ضعي نقطة فازلين على المعصمين والرقبة.
- رشي العطر فوقها مباشرة.
- الريحة هتفضل معاكي ساعات أطول من العادي.
الفازلين مش منتج بسيط زي ما ناس كتير فاكرة، لكنه حل سحري لخمس مشاكل في روتينك اليومي، احتفظي بيه دايمًا في درج الحمام أو شنطة المكياج، وهتشوفي بنفسك قد إيه هو كنز بيوفر مجهود وفلوس.