الموز من الفواكه اللي كلنا بنحبها، لكن للأسف بيستوي بسرعة جدًا، خصوصًا في الصيف، وبيسود شكله وبيبقى شكله مش فاتح الشهية حتى لو لسه صالح للأكل.
لو زهقتي من رمي الموز أو ريحته في التلاجة، المقال ده هيغير حياتك!
جايبين لك طريقة سحرية لحفظ الموز لأطول فترة ممكنة في التلاجة، والطريقة دي بمكون واحد موجود عندك في المطبخ ومش هيكلفك جنيه!
المشكلة فين؟
الموز بيفرز غاز الإيثيلين، وده بيخليه يستوي بسرعة جدًا ويغير لونه للأسود.
ولما يتحط في التلاجة من غير طريقة صح، لونه من برة بيغمق، ومن جوة بيسوّد وبيطرى بسرعة.
المكون السحري: “ورق الفويل” (ألومنيوم فويل)
آه والله! ورق الفويل العادي هو سر الحفظ الخارق للموز في التلاجة.
الطريقة:
-
اختاري موز أصفر ومتماسك، مش مستوي زيادة.
-
افصلي كل إصبع موز عن التانية.
-
لفّي كل عقلة (العنق أو الرأس) من الموزة بورق فويل بإحكام.
-
بعد كده، حطي الموز في كيس بلاستيك أو علبة داخل التلاجة.
ليه بنلف الرأس؟
لأن دي المنطقة اللي بيخرج منها غاز الإيثيلين، ولفها بيمنع تسريبه لباقي الموز، وده بيبطّئ من عملية النضج بشكل واضح.