اشتكى الكثير من مستخدمي خدمة فوادفون كاش، خلال الساعات الماضية من وجود خلل في الخدمات، منها سحب أموال من رصيدهم من المحفظة، حيث تساءل العملاء عن السبب وهل هو اختراق للمحفظة أم عطل تقني.
مشاكل تحويل الأموال بـ فودافون كاش
وقال بعض مستخدمي خدمة فودافون كاش، أنهم عندما يقومون بعمليات تحويل الأموال بخدمة فوادفون كاش يتم تعليق العملية أو تصل ناقصة إلى الطرف الآخر، وقال أحد العملاء: ” فودافون كاش، عمليه نصب بتحصل على سحب الفلوس من كل الناس على فودافون كاش، لا الشركه بترد ولا حد من الدعم الفني بيرد، الناس اتسحب منها ب الاف و المئات، أي حد معاها رقم كبير علي الكاش دلوقتي يطلع يسحب فلوسه من المكنه في عمليه نصب بتحصل من هكر علي الشركة”.
وكتب عميل آخر على صفحته فودافون :” مشكلة عامة في حسابات فودافون كاش ظهرت مع، المستخدمين، بمجرد ما تدخل تستعلم عن رصيدك في محفظة فودافون كاش بتلاقي الرصيد بتاعك ناقص منه فلوس وفي حسابات الرصيد بتاعها ظاهر بالسالب كمان، لو عندك محفظة ادخل بسرعة أطمن على رصيدك”
وعميل يقول:” تم اختراق شركة فودافون وسحب أموال العملاء من محفظة فودافون كاش الهكر يحتل مصر، اطمنو ع فلوسكم فلوسي اتحسبت” وتابع آخر: “يا جماعه المحفظه انسحب منها مبلغ لوحده من غير معاملات”، وإخر يقول: عاجل اختراق شركة فودافون كاش واتصالات.. وسحب أموال العشرات من العملاء من المحفظة الالكترونية الآن… كل واحد يطمن على فلوسه بسرعة”.
ولم تكشف فوادفون بشكل رسمي حتى الآن عن سبب المشكلة، في حين تم الاكتفاء بردود خاصة لبعض التعليقات على مواقع التواصل الاجتماعي بأنها بسبب تحديث في السيستم، وجاري العمل على حلها في أسرع وقت ممكن، كما طالبت العملاء بمتابعة الرصيد من التطبيق أو نجمة 9 نجمة 13 شباك إلى نهاية اليوم.