كشف الفنان محمد علي رزق، عن خبر وفاة صديقه الفنان تامر ضيائي، وذلك بعد صراع طويل مع المرض، كان أخرها إصابته بجلطة في الأيام الماضية وخضوعه لعملية قلب.
وفاة الفنان تامر ضيائي
كتب “رزق” تدوينة قصيرة عبر حسابه على موقع التواصل الاجتماعي، وقال فيها: “لا حول ولا قوة إلا بالله صديقي وأخويا الكبير عشرة عمري تامر ضيائي في ذمة الله.. الله يرحمك يا تامر ويجعلك من أهل الجنة ويعوضك عن تعبك في الدنيا.. نسألكم قراءة الفاتحة والدعاء له بالرحمة والمغفرة”.
الجدير بالذكر بأن “ضيائي” كان قد نشر وصيته وذلك بعدما قيل بأنها نجأ من جلطة في الأيام الماضية وقبل خروجه من عملية قلب، حيث أوصى كل محبيه بالدعاء له والمشاركة في جنازته، لكونه يرى بأن المشاركة في الجنازة أهم من العزاء.
وقد جاءت وصية تامر ضيائي والتي نشرها على مواقع التواصل الاجتماعي على هذا النحو:
“بوست الوصية ده هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لإني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد.
“دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو اتعمل في البيت أو مكان بسيط بفلوسه تطلعولي صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولي الوقت اللي هتقروا فيه جزء فضوا نفسكم واقعدوا ادعوا فيه”.