وجه إبراهيم سعيد، لاعب الأهلي الأسبق، رسالة قوية إلى محمود عبدالرازق شيكابالا، قائد نادي الزمالك، بعدما ركض خلف رامي ربيعة، لاعب الأهلي، بعد انتهاء مباراة السوبر المصري.
وقال إبراهيم سعيد، في تصريحات تليفزيونية: “أول ما شوفت الصورة والفيديو القصير على السوشيال ميديا افتكرت أن شيكابالا بيجري ورا لعيبة الأهلي عشان رايحين يحتفلوا عند جمهور الزمالك، ولكن الأمر اتضح أنه مش كده”.
وأضاف: “أنت يا شيكابالا رايح فين، هو ليه جري وراهم، ورامي ربيعة من الشخصيات اللي مش مشاغبة، وطلع كلام إنه إمام عاشور، بس طلع بردو مش هو، أنا عايز أعرف إنت مالك يا شيكابالا، اللاعيبة رايحة تحتفل مع جمهورها”.
وأكمل: «هل شيكابالا كان عايز يسيطر على فرحتنا، أو هل كان بيغلوش على موضوع أنه كان سبب الهزيمة بإهداره ركلة ترجيح، وضيع بطولة على زمايله وجمهور نادي الزمالك، أصل مش فاهم القصة اللاعيبه رايحة تحتفل مع جمهورها أيه اللي ضايقك».
وأردف: «شيكابالا دلوقتي بقى موجود ومعتمد على اسمه، واللعيب الكبير اللي بيتشغل لصالح فريقه، مش اللي بيشوف الكاميرا فين عشان يعمل لقطات، مفروض دورك كقائد أنك تبقى بعيدًا عن الخط أومال لازمة جوميز إيه».
وأتم إبراهيم سعيد تصريحاته قائلًا: «الزمالك خسر عشان شيكابالا دور على نفسه وكان عايز ياخد اللقطة، ومش عارف الناس اللي بتدافع عنه إيه الخوف ده، يا جماعة كل لعيب وليه سن ومهاراته بتقل ومش بيبقى بنفس المعدل البدني فبيضر الفرقة».
نقلاً عن جريدة الوفد