تحدث المنتج محمد كارتر، عن سبب عدم إنجابه هو وزوجته الفنانة شيماء سيف، بعد مرور 6 سنوات من زواجهما، لافتا إلى أنه يعاني من مشكلة في الإنجاب، مطالبا الجمهور بالدعاء لهما.
وكتب «كارتر» عبر حسابه على «فيسبوك»: «من فترة طويلة وأنا بسمع الناس لما بتقابل شيماء بتقولها أنتي لو خسيتي هاتخلفي، ودلوقتي لما شيماء خست، الناس لما بتقابلها بتقولها أيوا كده خسيتي يعني هاتخلفي، وهي عمرها مافكرت ترد وبتقول إن شاء الله».
رسالة مؤثرة من محمد كارتر
أوضح محمد كارتر: «حتى الناس اللي أنا أعرفهم بيقولولي كده، ومحدش فيهم ولا لحظة فكر إنها سليمة ومفيهاش أي حاجة، ومعندهاش أي مانع إنها تخلف، غير إنها مراتي، ولو شيماء كانت اتجوزت أي حد غيري، كان زمانها مخلفة عادي جدا».
وأضاف: «النصيب والقدر خلاها تتجوزني أنا، ونكتشف بعد فترة إن عندي مشكلة في الإنجاب، وهي علشان عارفة ربنا كويس، قالتلي إن كل شيء بميعاد، واحنا لسه ميعادنا مجاش، وهايجي إن شاء الله.. دعواتكم».
شيماء سيف تستعين بالجمهور لإجراء عملية في الأنف
أبهرت الفنانة شيماء سيف جمهورها، بتحولها المذهل بعد فقدانها حوالي 60 كيلوجراما من وزنها، وقد حققت هذا الإنجاز الكبير من خلال خضوعها لعملية تكميم المعدة.
ومع هذا التغيير الكبير في مظهرها، بدأت تفكر في إجراء بعض التعديلات التجميلية لتكمل إطلالتها الجديدة،
وأعلنت رغبتها في إجراء عملية تجميل للأنف، وذلك ليتناسب شكل أنفها مع ملامح وجهها الجديدة، بعد خسارة الوزن.
وأشارت خلال لقائها في برنامج «صاحبة السعادة»، إلى أنها تتلقى العديد من التعليقات من جمهورها التي تشجعها على إجراء عملية تجميل للأنف.
وقالت: «بيجيلي تعليقات كتير من الجمهور أني محتاجة أصغر مناخيري شوية، وبفكر في الموضوع دا».
وما زالت تتردد في اتخاذ القرار النهائي، حيث قالت: «وفيه ناس بتقولي لا حلوة عشان مرفوعة، مش عارفة أخد الخطوة ولا إيه، محتاجة ألمها شوية، بس لسه بفكر».
وقررت شيماء سيف أن تستشير جمهورها بشكل مباشر، وقالت: «احنا نعمل تصويت للجمهور على انستجرام، وهما يقولولي رأيهم، وهنخلي التصويت عندك عشان محدش يدخل يجاملني».