الشبت والبقدونس من الأعشاب اللي كتير بنحتاجها في مطبخنا بشكل يومي تقريباً، لكن مش دايما متوفرة طازجة لحسن الحظ، في طرق بسيطة وسهلة جدا تخلي الأعشاب دي طازجة لأطول فترة ممكنة، وبتفضل معاكي من السنة للسنة! خليني أقولك الطريقة اللي هتخليكي تستخدمي الشبت والبقدونس في أي وقت وكأنه لسه مقطوف.
طريقة حفظ الشبت والبقدونس طازجين
- اغسلي الشبت والبقدونس بشكل جيد للتخلص من أي أتربة أو شوائب
- بعد الغسل، ضعيهم على فوطة نظيفة واتركيهم يجفوا تمامًا. أهم خطوة هي إنك تتأكدي إن الأعشاب جافة قبل التخزين، عشان ما يحصلش تعفن
- بعد ما الأعشاب تجف، قطّعيها حسب الحجم اللي بتحبي تستخدمه في الطبخ ويوفر عليكي وقت لما تيجي تستعمليهم لاحقًا.
- قسمي الأعشاب بعد تقطيعها لكميات صغيرة حسب الحاجة اليومية، وضعي كل كمية في كيس صغير قابل للإغلاق.
- أفرغي الهواء من الأكياس بقدر الإمكان، وارفعيها في الفريزر.
- بالطريقة دي، تقدري تاخدي كيس وقت ما تحتاجي وتلاقي الشبت والبقدونس بنفس النكهة والطعم.
- وزعي الأعشاب المفرومة في قوالب مكعبات الثلج، واضيفي كمية بسيطة من الماء فوقهم.
- حطي القوالب في الفريزر حتى تتجمد، ثم انقلي المكعبات للأكياس لحفظ المساحة.
- هتلاقي المكعبات دي مفيدة في الشوربة أو الصلصات.
- لو عندك مكان جيد التهوية، يمكنك نشر الأعشاب على صينية وتركها تجف بشكل طبيعي لمدة يومين.
- بعد ما تجف، احتفظي بيها في علبة زجاجية محكمة الغلق واستخدميها في الأكلات.