لو بتستخدمي النعناع بشكل يومي في البيت سواء في الأكل أو الشرب، أكيد فكرتي أكتر من مرة تزرعيه بدل ما تشتريه كل شوية، زراعة النعناع سهلة جدا ومش محتاجة مجهود ولا تكلفة عالية، الفكرة إنك تزرعيه فوق سطح بيتك أو في أي مكان صغير وتستمتعي بريحته وطعمه الطازة، النعناع من النباتات اللي بتنمو بسرعة وبتدي إنتاجية كبيرة لو اتبعت الخطوات الصح.
خطوات زراعة النعناع بكميات كبيرة
- اختاري حوض زرع واسع أو أواني كبيرة تسمح للنعناع إنه ينتشر بسهولة
- جهزي التربة عن طريق خلط تربة طينية مع شوية سماد طبيعي لضمان تغذية النبات
- ازرعي عقل النعناع (سيقان النعناع) في التربة بحيث تكون نصفها مدفون والنصف الآخر ظاهر
- اسقي النعناع بانتظام لكن بدون إغراق عشان ما يحصلش تعفن للجذور
- ضعي الحوض في مكان فيه شمس مباشرة لكن مع ظل جزئي للحفاظ على التوازن
- قصي أوراق النعناع كل فترة عشان تحفزي النمو المستمر للنبات
مزايا زراعة النعناع فوق السطح
بعد ما تبدأي بزراعة النعناع هتحسي بفرق كبير في استخدامه اليومي، مش بس هتوفري فلوسك لكن كمان هتلاقي النعناع دايما طازة وريحتك في البيت منعشة. النعناع المزروع في البيت بيكون طبيعي 100% وخالي من أي مواد كيميائية ممكن تأثر على صحتك، ده غير إن وجود نباتات فوق السطح بيحسن الجو العام وبيقلل الحرارة في البيت. التجربة دي مش بس ممتعة لكنها كمان عملية وهتخليكي مستقلة ومش محتاجة تروحي للعطار تاني، جربيها واستمتعي بنعناع من شغلك إيدك.