الفول المدمس من الأكلات الأساسية على الفطار عند معظم المصريين وكثير من الناس يفضلون شراؤه جاهزا من عربيات الفول، لكن ماذا لو عرفت السر اللى بيخلى طعمه خرافى جربى هذه الطريقة اللى أخبرنى بها صاحب عربية فول محترف وهتعمليه فى البيت أحلى من بره.
مكونات الفول المدمس زى العربيات بالظبط
لتحضير فول مدمس لذيذ زى الجاهز بالظبط هتحتاجى إلى:
- نصف كيلو فول بلدى.
- ملعقة كبيرة عدس أصفر.
- ملعقة صغيرة كركم.
- جزرة مبشورة.
- حبة طماطم صغيرة مقطعة.
- 3 فصوص ثوم.
- ماء ساخن للتدميس.
طريقة التحضير بالسر اللى مفيش حد بيقول عليه
للحصول على فول مدمس بطعم ولا أروع اتبعى هذه الخطوات:
- اغسلى الفول جيدا وانقعيه فى الماء لمدة 8 ساعات على الأقل.
- ضعيه فى الدماسة أو حلة عميقة وأضيفى العدس والكركم والطماطم والجزر والثوم.
- غطى الفول بالماء الساخن وضعيه على نار هادئة جدا.
- سر الطعم الخرافى هو إضافة نصف كوب ماء مغلى كل ساعتين للحفاظ على قوام الفول الطرى.
- اتركيه يستوى لمدة 6 إلى 8 ساعات حتى يصبح طريا ولونه ذهبى.
- عند التقديم اهرسيه وأضيفى الملح والليمون وزيت الزيتون أو الطحينة حسب الرغبة.
مش هتشترى الفول من بره تانى
بعد تجربة هذه الطريقة هتحضرى الفول المدمس بنفسك فى البيت بطعم أحلى من الجاهز وكمان صحى ولذيذ لأولادك جربيه وهتشوفى الفرق بنفسك.