كتير من الناس بيعتقدوا إن زيادة كمية المسحوق أو المنظفات بتخلي الغسيل أنظف لكن الحقيقة عكس كده تماما، الكميات الزايدة ممكن تسبب تراكم رغوة كبيرة داخل الغسالة وتسد الأنابيب والمنافذ، وده ممكن يؤدي إلى تلف المحرك أو حتى انفجار الغسالة في بعض الحالات الحرجة.
تحميل الغسالة بأوزان زائدة
من الأخطاء الشائعة كمان إنك تحطي كمية كبيرة من الملابس في دورة واحدة، الضغط الزائد على الحلة الداخلية بيؤدي لتلف نظام الدوران وبيخلي الغسالة تهتز بشكل خطير، الاهتزازات العنيفة ممكن تسبب انحراف الغسالة من مكانها وتعرضها لخطر الانفجار.
إهمال الصيانة الدورية وتنظيف الفلتر
عدم تنظيف فلتر الغسالة بشكل منتظم بيتسبب في تراكم الأوساخ والشوائب، وده بيضغط على نظام التصريف، مع الوقت ممكن يحصل انسداد كامل يؤدي لتعطل الغسالة أو تسرب المياه بشكل مفاجئ، الصيانة الدورية وتنظيف الفلتر بيحافظوا على كفاءة الغسالة وبيطيلوا عمرها.
احذري من الأخطاء دي عشان تحافظي على غسالتك وتوفري فلوسك بدل ما تخسريها في التصليح أو شراء واحدة جديدة