المكرونة من الأكلات السريعة واللذيذة اللي بيحبها الكبار والصغار، وبتعتبر وجبة أساسية على السفرة في الغداء أو العشاء، لكن رغم سهولة تحضيرها، فيه أخطاء شائعة بتقع فيها ربات البيوت أثناء الطهي، ممكن تسبب مشاكل صحية خطيرة لأفراد الأسرة، وممكن توصل لحد التسمم!
الخطأ الأخطر عند سلق المكرونة
انتشرت مؤخرًا تحذيرات من تناول المكرونة بطريقة غير صحيحة، واللي ممكن تؤدي لمشاكل صحية خطيرة، ومن أكبر الأخطاء اللي بتقع فيها بعض ربات البيوت هي استخدام مكرونة منتهية الصلاحية أو مخزنة بطريقة غير صحيحة، وده ممكن يسبب تسمم غذائي خطير، عشان كده لازم قبل الطهي تتأكدي من تاريخ الصلاحية وتحفظي المكرونة في مكان جاف بعيد عن الرطوبة.
أخطاء شائعة أثناء الطهي
من العادات الغلط اللي بتعملها ربات البيوت هي غسل المكرونة قبل السلق، وده بيأثر على قوامها وبيخليها تلزق أثناء الطهي، لأن الغسل بيشيل النشا الطبيعي اللي بيساعد في امتصاص الصوص بعد الطهي، كمان لازم تسلق المكرونة في كمية كافية من الماء المغلي مع شوية ملح وزيت عشان تطلع بالقوام المطلوب.
حماية أسرتك تبدأ من المطبخ
عشان تضمني تحضير وجبة صحية وآمنة، لازم تتابعي خطوات الطهي الصحيحة، وتتفادي الأخطاء اللي ممكن تسبب مشاكل صحية لأفراد أسرتك، المكرونة أكلة لذيذة، لكن لو مش مطهية صح، ممكن تتحول لخطر غير متوقع!