صفار البيض من الأطعمة الغنية بالعناصر الغذائية المهمة لصحة الجسم، لكنه مش دايمًا بيبقى بنفس اللون بعض الصفار بيكون فاتح وبعضه بيكون غامق، وده بيخلي ناس كتير تتساءل عن السبب وراء الاختلاف ده وهل فعلاً اللون ليه تأثير على القيمة الغذائية؟ في المقال ده، هنعرف مع بعض أسباب اختلاف لون صفار البيض وأي نوع فيهم أكثر فائدة لصحتك.
أسباب اختلاف لون صفار البيض
الاختلاف في لون صفار البيض بيرجع بشكل أساسي لنوعية غذاء الدواجن:
الصفار الغامق: لما بتتغذى الدواجن على أطعمة طبيعية زي الأعشاب والخضروات، بيكون الصفار أغمق بسبب احتوائه على الكاروتينات، وهي مركبات طبيعية زي اللوتين والزياكسانثين اللي بتعزز اللون الداكن.
الصفار الفاتح: لو الدواجن بتتغذى على أعلاف مصنعة، بيظهر الصفار بلون أفتح بسبب قلة المركبات الطبيعية في غذائها.
القيمة الغذائية للصفار الفاتح والغامق
صفار البيض الفاتح: بيحتوي على كميات معتدلة من الفيتامينات والمعادن لكنه بيكون أقل في مضادات الأكسدة مقارنةً بالصفار الغامق.
صفار البيض الغامق: بيتميز بوجود نسبة أعلى من مضادات الأكسدة زي اللوتين والزياكسانثين اللي بتحمي العين، وكمان بيحتوي على كميات أكبر من فيتامين A وD اللي بيحافظوا على صحة العظام والجهاز المناعي.
الفرق في الطعم والتأثير على الصحة
البعض بيلاحظ إن صفار البيض الغامق بيكون أغنى في النكهة، وده بسبب التغذية الطبيعية للدواجن ورغم الفرق في اللون، مفيش دليل علمي قاطع بيقول إن لون الصفار بيأثر بشكل كبير على الصحة، لكن الصفار الغامق بيكون أفضل من الناحية الغذائية.
سواء كان صفار البيض فاتح أو غامق، فالاتنين مفيدين لصحتك، لكن لو عايز تستفيد أكتر من العناصر الغذائية، الصفار الغامق هو الاختيار الأفضل بسبب احتوائه على نسبة أعلى من الفيتامينات ومضادات الأكسدة.