الفئران من أكثر الكائنات المزعجة اللي ممكن تدخل البيت وتسبب ضرر كبير، سواء في الأكل أو الأثاث أو حتى نشر الأمراض، والمشكلة إن استخدام المبيدات أو لزقة الفئران بيكون حل مؤقت، وغالبًا مش فعال بنسبة 100%، لكن النهارده، هقولك على طريقة سحرية هتخليك تتخلص منهم نهائيًا ومن غير أي كيماويات ضارة.
سد كل الفتحات اللي ممكن يدخلوا منها
أول خطوة لازم تعملها هي إنك تمنع الفئران من الدخول للبيت أساسًا، الفئران بتدخل من أي فتحة صغيرة جدًا، حتى لو كانت بحجم القلم، عشان كده، لازم تفحص كل الشقوق والفتحات اللي في الجدران أو تحت الأبواب أو حوالين مواسير المياه والكهرباء، وتسدها باستخدام الأسمنت أو السيليكون أو حتى سلك معدني ناعم، ودي خطوة أساسية لإن الفئران لو مالقتش طريق للدخول، مش هتضطر تتعامل معاها بعد كده.
استخدم روائح طبيعية بتطرد الفئران
فيه مواد طبيعية كتير بتخلي الفئران تهرب فورًا وما تقربش من المكان نهائيًا، زيت النعناع من أقوى الحاجات اللي بتطرد الفئران، لأنه ريحته قوية جدًا عليهم، كل اللي عليك إنك تحط كرات قطن مبللة بزيت النعناع في الأماكن اللي ممكن يكون فيها فئران، زي المطبخ، المخزن، أو تحت الحوض، كمان، الفلفل الأسود والقرنفل والخل ليهم تأثير قوي في طرد الفئران ومنع رجوعهم تاني.
حافظ على نظافة المكان وما تسيبش أكل مكشوف
الفئران بتدخل البيوت بحثًا عن الأكل والمأوى، ولو ملقتش حاجة تستفيد منها، مش هتقعد، عشان كده، لازم تحافظ على نظافة المطبخ وما تسيبش أي بقايا طعام مكشوفة، وكمان تخزن الأكل في علب محكمة الغلق، كمان، حاول تتخلص من أي فوضى أو كراكيب مش ضرورية، لإن الفئران بتحب الأماكن اللي فيها اختباء.