البسلة من الخضروات الموسمية اللي بتبقى متوفرة بكثرة في الشتاء، لكن كتير من السيدات بيحبوا يخزنوها علشان يفضلوا يستخدموها طول السنة المشكلة إن تخزينها بطريقة، غلط ممكن يخليها تفقد لونها الأخضر أو طعمها الحلو أو حتى قيمتها الغذائية علشان كده هنقولك النهاردة على أفضل الطرق اللي تخلي، البسلة تفضل فريش كأنها لسه متشالة من على العروش
أفضل طريقة لتفريز البسلة من غير ما تفقد لونها وطعمها
أول خطوة لازم تختاري البسلة اللي حباتها تكون متوسطة الحجم ولونها، أخضر زاهي وتكون طرية لما تضغطي عليها بعد كده بتقشريها وتغسليها كويس تحت المياه الجارية، علشان تتخلصي من أي أتربة أو شوائب بعد الغسيل بتغلي مياه على النار وتضيفي البسلة فيها، لمدة دقيقتين بس وبعد كده تطلعيها بسرعة وتحطيها في مياه ساقعة جدًا أو مياه فيها تلج لمدة خمس دقايق الخطوة دي اسمها الصدمة، الحرارية وهي اللي بتحافظ على اللون والطعم وبعد كده بتصفيها كويس وتوزعيها في أكياس تفريز أو علب محكمة الغلق وتحطيها، في الفريزر
تخزين البسلة من غير سلق الطريقة السهلة والسريعة
لو حابة تخزني البسلة بطريقة أسرع ومن غير سلق تقدري بعد ما تقشريها وتغسليها كويس تسيبيها تتصفى تماما وبعد كده توزعيها في أكياس تفريز وتحطيها، في الفريزر على طول الطريقة دي بتحافظ على طعم البسلة لكن ممكن تلاقي لونها أغمق شوية عن الطريقة، اللي بالسلق ويفضل لما تيجي تستخدميها إنك تسلقيها الأول قبل الطبخ علشان تضمني، إنها هتبقى بنفس الطراوة والنكهة
نصائح مهمة علشان تخزين البسلة يفضل ناجح طول السنة
أهم حاجة في تخزين البسلة إنك تستخدمي أكياس تفريز سميكة وتفرغي منها الهواء تمامًا قبل ما تدخليها الفريزر، ولو هتستخدمي العلب البلاستيك لازم تكون محكمة الغلق علشان تمنع دخول أي رطوبة كمان يفضل، تقسمي الكمية على حسب احتياجك لكل مرة علشان تطلعي الكيس وتستخدميه بالكامل وما ترجعيش حاجة متفرزة تاني لأن ده ممكن يأثر على الجودة كمان لازم تحفظي البسلة في الفريزر، على درجة حرارة منخفضة وتكون في الرف العلوي اللي درجة حرارته أعلى علشان تفضل محتفظة بلونها وقوامها لأطول فترة ممكنة