لو عايزة وصفة سهلة وسريعة لوجبة فطور او عشاء خفيف، ففطائر الشاي هي الاختيار المثالي، فهي لذيذة، هشة، واسفنجية، وبتتحضر في دقائق بدون فرن، وبتكون منفوخة بطعم خرافي هيعجب جوزك وعيالك.
مكونات الوصغة
مكونات الوصفة بسيطة ومتوفرة في كل بيت، هتحتاجي كوبين دقيق، كوب حليب دافئ، بيضة، ملعقتين سكر، ملعقة خميرة، رشة ملح، وملعقة زبدة، كل اللي عليك تعجني المكونات مع بعض وتسيبي العجينة تختمر نص ساعة، بعد كده شكلي الفطائر وسويها في طاسة على نار هادية مع شوية زبدة لحد ما تتحمر وتبقى ذهب.
طعم الوصفة
الطعم هنا هو اللي هيفاجئك، الفطائر بتكون طرية وهشة جدا من جوه وبتدوب في الفم، ممكن تقدميها بالعسل، الشوكولاتة، الجبنة، او حتى سادة مع كوب شاي دافئ، والنتيجة هتكون ولا اروع.
ميزة الوصفة
الميزة في الوصفة دي انها اقتصادية وسريعة، مش هتاخد منك وقت ولا مجهود، ومكوناتها كلها طبيعية، يعني احلى فطار صحي لاولادك، وكمان تنفع ضيافة راقية لو جالك ضيوف فجأة، جربي تعملي الفطائر دي مرة، وهتلاقي نفسك بتعمليها كل يوم من جمالها، دلعي عيلتك بوصفة سهلة ومضمونة، وهتشوفي الفرحة في عيونهم مع اول لقمة.