وجود الحشرات الزاحفة زي الصراصير والنمل في البيت مشكلة بتسبب إزعاج كبير، وكتير من الناس بتدور على حلول فعالة وآمنة عشان تتخلص منهم من غير ما تأثر على صحة أفراد الأسرة، النهارده هقولك على حيلة طبيعية وسهلة جدا هتخلي الحشرات تختفي تماما من بيتك، والنتيجة هتبهرِك!
1. استخدام القرنفل والليمون
القرنفل والليمون من المكونات الطبيعية اللي بتكرهها الحشرات، وده لأن ريحتهم قوية جدا وبتطرد الصراصير والنمل من أي مكان. طريقة الاستخدام:
- قطعي ليمونة نصين وغرسي فيها حبات قرنفل.
- حطيها في الأماكن اللي بتدخل منها الحشرات، زي الأبواب والشبابيك والمطبخ.
- هتلاحظي إن الصراصير والنمل بيبعدوا تماما عن المكان خلال أيام قليلة.
2. خليط الخل والنعناع
الخل والنعناع من أقوى المواد الطبيعية اللي بتعمل كمبيد حشري طبيعي وفعال. كل اللي عليكي تعمليه:
- اخلطي كوب خل أبيض مع عشر نقاط زيت نعناع.
- حطي الخليط في بخاخ ورشيه في زوايا البيت، تحت الأثاث، وفي الأماكن اللي بتظهر فيها الحشرات.
- خلال أيام هتلاحظي إن الحشرات اختفت تماما ومش بترجع تاني.
3. استخدام بيكربونات الصوديوم والسكر
دي واحدة من أقوى الوصفات اللي بتقضي على النمل والصراصير نهائيا، لأن السكر بيجذبهم وبيكربونات الصوديوم بتقتلهم. الطريقة:
- اخلطي ملعقة سكر مع ملعقة بيكربونات الصوديوم.
- رشي الخليط في الأماكن اللي بيظهر فيها النمل والصراصير.
- خلال أيام مش هتلاقي أي أثر للحشرات في البيت.
4. التخلص من الفوضى وتنظيف المنزل
أهم خطوة عشان تحمي بيتك من رجوع الحشرات هي إنك تحافظي على نظافة المطبخ، وما تسيبيش بقايا أكل أو مياه مكشوفة، دايما نظفي الأرضيات والأسطح عشان تمنعي وجود أي شيء يجذب النمل والصراصير.