تحضير المحشي من الأكلات اللي كلنا بنحبها، لكنه بياخد وقت طويل، وخصوصًا مرحلة اللف اللي بتكون أكتر حاجة مرهقة ومملة عند ستات كتير ومع إن المحشي أكلة رئيسية في العزومات والمناسبات، إلا إن لفه بالطريقة التقليدية ممكن يضيع منك ساعات طويلة في المطبخ علشان كده، النهارده هنقدملك طريقة عبقرية تخليكي تخلصي المحشي في 5 دقايق بس، من غير تعب ولا مجهود، وبطعم يجنن زي ما تعودتي عليه!
الحيلة السحرية للف المحشي بسرعة البرق!
بدل ما تلفي ورقة ورقة وتقعدي بالساعات، جربي طريقة الرص واللف الجماعي اللي هتوفر عليكي وقت ومجهود كبير:
✔ افردي مجموعة من ورق العنب أو الكرنب جنب بعض على سطح مستوِ.
✔ وزعي الحشوة بشكل متساوي على كل الأوراق.
✔ ابدأي في لفهم مع بعض على شكل رول طويل واحد، ولفيهم بإحكام.
✔ باستخدام سكينة حادة، قطّعي الرول للحجم اللي تحبيه، وهتلاقي عندك محشي جاهز ومنسق في ثواني!
محشي سريع ولذيذ من غير تعب
بعد ما تجربي الطريقة دي، هتحسي بفرق رهيب في الوقت والمجهود، وهتلاقي إن المحشي بنفس الطعم اللذيذ اللي متعودة عليه من غير أي إرهاق السر في نجاح الطريقة هو الضغط الجيد على الرول قبل التقطيع، علشان الحشوة متتفكش أثناء السلق جربيها وهتشوفي بنفسك إزاي هتقدري تخلصي كميات كبيرة في وقت قياسي، وتستمتعي بالأكل بدل ما تتعبي في تحضيره!