الباذنجان المقلي من الأكلات اللي كلنا بنحبها، لكنه للأسف بيشرب كمية كبيرة جدًا من الزيت، وده بيخليه تقيل على المعدة ومليان سعرات حرارية، لكن النهاردة، هقولك طريقة جديدة وعبقرية لقلي الباذنجان بدون نقطة زيت، والطعم هيكون مقرمش ولذيذ وكأنك قلياه بالضبط! الطريقة دي قليلة جدًا اللي يعرفوها، لكنها هتوفرلك زيت وهتخلي الأكل صحي وخفيف.
المكونات اللي هتحتاجيها
- 10 كيلو باذنجان مقطع شرائح
- ملعقة صغيرة ملح
- ملعقة صغيرة نشا ذرة
- رشة من الكركم (اختياري، لكنه بيدي لون ذهبي جميل)
- صينية فرن أو مقلاة غير لاصقة
الطريقة العبقرية للقلي بدون زيت
- قطعي الباذنجان لشرائح متوسطة السمك، ورشي عليه شوية ملح خفيف علشان يسحب أي مياه زائدة منه.
- بعد 10 دقايق، جففيه كويس بمناديل مطبخ.
- رشي عليه نشاء الذرة ورشة كركم، وقلبيه كويس علشان كل قطعة تتغلف بشكل متساوي.
- سخني مقلاة غير لاصقة أو صينية فرن، ولو عايزة طعم مقرمش أكتر، سخنيها في الفرن على درجة حرارة 200 درجة مئوية.
- رصي شرائح الباذنجان في الصينية أو المقلاة، وسيبيه على نار هادية لمدة 3 دقائق لكل جانب، لحد ما تاخد اللون الذهبي الجميل.
- هتلاقيه بقى مقرمش ولونه جميل من غير نقطة زيت، والطعم لا يقاوم زي اللي مقلي بالظبط!
فوائد الطريقة دي
- هتقللي السعرات الحرارية بشكل كبير جدًا، لأن الباذنجان معروف إنه بيمتص الزيت بسرعة.
- أكل صحي بدون دهون زائدة، مناسب للرجيم وللناس اللي بتدور على أكل خفيف.
- هتوفري كمية الزيت اللي بتستخدميها في القلي، وده هيخلي الأكل اقتصادي أكتر.
جربي الطريقة العبقرية دي، وهتتفاجئي إنك مش هتحمري الباذنجان بالزيت تاني أبدًا!