الاستيقاظ وملاحظة بقع غريبة على المخدة قد يكون امر عادي، لكن بعض العلامات ممكن تكون مؤشر صحي خطير، وفقا لاطباء متخصصين، بعض التغيرات اللي بتحصل اثناء النوم ممكن تكشف عن مشكلات داخلية لا يجب تجاهلها.
بقع اللعاب.. هل هي طبيعية؟
سيلان اللعاب اثناء النوم بيكون شائع عند البعض، لكن لو بقى مستمر وبكميات كبيرة، ممكن يكون دليل على مشكلة في البلع او انسداد مجرى الهواء، لو لاحظت انك بتصحى دايما ومخدتك مبلولة، يبقى لازم تستشير طبيب.
بقع الدم على المخدة.. تحذير لا يجب تجاهله
وجود بقع دم على المخدة ممكن يكون نتيجة نزيف في اللثة، انفجار شعيرات دموية في الانف، او حتى علامة على مشاكل اخطر زي قرح الفم او التهابات شديدة، اهمال الموضوع ممكن يؤدي لمضاعفات خطيرة، فلازم تتحقق من السبب فورا.
تغير لون المخدة بسبب العرق
لو بتلاحظ ان المخدة بتتحول للون اصفر بسبب العرق المفرط، ده ممكن يكون مرتبط بمشاكل في الكبد او اضطرابات هرمونية، العرق اللي فيه املاح زائدة ممكن يشير لمشكلة في توازن المعادن في الجسم.
راقب مخدتك.. صحتك ممكن تكون في خطر!!
اي تغير غير طبيعي على مخدتك ممكن يكون اشارة لجسمك انه في مشكلة، لو لاحظت حاجة غير عادية، متتجاهلهاش وابحث عن السبب، الاهتمام بالتفاصيل الصغيرة دي ممكن ينقذك من مشاكل صحية كبيرة!!