السجاد جزء أساسي من ديكور البيت، بيدي لمسة جمالية ودفء لأي غرفة، لكن مع الاستخدام اليومي بيبدأ يتعرض للأتربة والبقع والروائح اللي بتخلي شكله يبهت تنظيف السجاد مش بس مهمة روتينية، ده كمان فن محتاج شوية صبر وحيلة، خصوصًا لما نحب ننظفه من غير ما نغرقه في المياه في المقال ده، هنعرفك على طرق بسيطة وفعّالة لتنظيف السجاد “على الناشف” من غير نقطة مية.
خطوات سهلة لتنظيف السجاد من غير ما تغسليه بالمية
أول حاجة، استخدمي المكنسة الكهربائية ومرّريها على السجادة كويس جدًا من كل الاتجاهات علشان تشيلي التراب والأتربة المتراكمة.
بعد كده، اخلطي شوية بيكربونات الصوديوم مع ملح، ووزعيهم على السجادة كلها.
رشي عليهم شوية خل أبيض، وبفرشة ناعمة افركي السجادة علشان المكونات تدخل جوه الأنسجة وتفك البقع والروائح.
سيبي الخليط نص ساعة علشان البيكربونات تشفط الريحة وتفك البقع.
في وعاء، حطي شوية مية مع ملعقة من جل الغسيل، وبللي فوطة نظيفة وامسحي السجادة كويس لحد ما تبقى نظيفة.
افتحي الشباك وسيبيها تنشف على راحتها.
نصائح مهمة علشان سجادك يفضل نضيف
استخدمي غطاء للسجاد علشان تقللي الاتساخ.
امنعي الأحذية جوه البيت وخصوصًا على السجاد.
امسحي أي حاجة بتقع فورًا علشان ما تتحولش لبقعة صعبة.
ما تخليش الشمس تضرب فيها كتير علشان الألوان ما تبهتش.
جربي التنظيف الجاف كل 3 لـ 6 شهور كروتين أساسي.
طريقة تانية على الناشف باستخدام الشرشوبة وغطا الحلة
لو حابة تنضفي بطريقة تانية، بللي الشرشوبة في خليط مية وخل وصابون مواعين، وامسحي السجادة كويس. وبعد كده سيبيها في الشمس شوية.
ممكن كمان تستخدمي غطا الحلة وتمرريه على السجادة علشان ينظفها من غير مجهود كبير أو وجع في إيدك.