الموز من أكتر الفواكه اللي الكل بيحبها، سواء كبار أو صغار، وده لطعمه الحلو وفوايده الغذائية الكتيرة، لكنه كمان من أكتر الفواكه اللي بتتلف بسرعة علشان كده جمعنالك طريقتين عبقريتين هيساعدوك تحفظي الموز أطول فترة ممكنة، وكمان وصفة طبيعية مفيدة جدًا باستخدام الموز والقرنفل تعزز الصحة وتساعد في إنقاص الوزن.
طريقة حفظ الموز بالمسمار وورق الألمنيوم
لو عايزة تحتفظي بالموز لأطول فترة ممكنة من غير ما يسوّد، لفّي الجزء العلوي من كل ثمرة بورق ألومنيوم ده بيقلل من خروج غاز الإيثيلين اللي بيخلي الموز يستوي بسرعة بعد كده، اغرسي مسمار صغير في الجزء المغطى، وعلّقي الموز بدل ما تسيبيه على الرخامة كده هتبعدي عنه الرطوبة وتبطئي عملية التلف وتقللي الهدر.
وصفة الموز والقرنفل العلاجية
الوصفة دي مشروب طبيعي مفيد جدًا كل اللي عليكي تعمليه إنك تقشري موزة وتغرزي فيها 6 حبات قرنفل، وتحطيها في كوب ماء بيغلي، وتسيبيهم يغلو على النار 20 دقيقة بعد كده صفي المشروب وضيفي معلقة عسل.
فوائد المشروب الصحية
الوصفة دي بتساعد في تقليل الأرق، بتشبع وبتساعد على إنقاص الوزن، وكمان بتهدي البرد والكحة، وبتقلل الكوليسترول، يعني مشروب طبيعي وصحي لازم يكون عندك في البيت.