لو دايمًا بتشتري تورتة أو جاتوه غالي ومزينة بحلوى فواكه مجففة، يبقى لازم تجربي الفكرة العبقرية دي هنعلملك إزاي تعملي حلوى مجففة في البيت باستخدام قشر البطيخ اللي بنرميه من غير ما نعرف إنه كنز! بطريقة سهلة ومكونات بسيطة، هتعملي حلوى نظيفة وآمنة لأولادك وتستخدميها كمان في تزيين الحلويات.
مكونات الحلوى المجففة من قشر البطيخ
- قشر بطيخ
- 2 كوب سكر
- 2 ملعقة عسل نحل
- كوب ماء
- ماء للسلق
- ألوان طعام
- نشا
طريقة التحضير خطوة بخطوة
ابدئي بتقطيع قشر البطيخ بعد إزالة الجزء الأحمر، واغسليه كويس بعد كده اسلقيه في ماء مغلي لحد ما يبقى طري، وصفّيه ضيفي عليه السكر والعسل وكوب من ماء السلق، وارفعيه على النار وقلّبي لحد ما يتجانس.
قسّمي الخليط لـ 3 أجزاء، وضيفي لكل جزء لون طعام مختلف، زي الأحمر أو الأصفر أو الأخضر افرديه في صينية وسيبيه تحت المروحة 24 ساعة بعد كده قلّبيه مع شوية نشا علشان مايلزقش، وقدميه أو خزّنيه في الفريزر.
ليه تعمليها في البيت؟
الوصفة دي مش بس موفرة، لكن كمان صحية ومن غير مواد حافظة، آمنة تمامًا لأولادك وكمان البطيخ نفسه غني بفيتامين سي وبيساعد في ترطيب الجسم، تقوية المناعة، وإنقاص الوزن.