مع بداية فصل الشتاء، بتبدأ معاناة ربات البيوت في تنظيف البطاطين، خصوصًا لو مفيش بانيو أو مساحة كفاية لكن متقلقيش! دلوقتي تقدري تغسلي البطانية بطريقة سهلة وموفرة، ومن غير تعب أو معدات خاصة الطريقة دي هتخلي البطانية نضيفة وطرية وريحة النظافة فيها هتملأ البيت.
أدوات هتحتاجيها في التنظيف
- جردل كبير أو وعاء عميق
- مياه دافئة (مش ساخنة)
- كوب مسحوق غسيل
- نصف كوب خل أبيض
- 5 ملاعق بيكربونات الصوديوم
- إسفنجة أو فرشاة ناعمة
خطوات التنظيف السهلة من غير مجهود
افردي البطانية على سطح نظيف، أو حوض واسع لو متوفر في الجردل، اخلطي المسحوق مع الخل وبيكربونات الصوديوم والمياه بلّلي الإسفنجة بالخليط وابدئي في فرك البطانية بحركات دائرية، وركّزي على البقع أو الأماكن المتسخة سيبي الخليط عليها لمدة 15 دقيقة.
بعد كده، استخدمي رشاش مية أو خرطوم لغسل البطانية من آثار الصابون، واضغطي عليها بإيدك بلطف عشان تطلعي المية الزايدة علقي البطانية في مكان مفتوح فيه تهوية كويسة، ويفضل في الشمس.
تجفيف البطانية من غير ريحة وحشة
اختاري يوم مشمس علشان تنشفي البطانية برا، ولو جوا البيت، حطيها قدام مروحة أو شباك مفتوح كده هتجف بسرعة ومن غير ما تطلع ريحة.