لو نفسك تعملي تغيير في لون شعرك من غير ما تعرضيه للمواد الكيميائية الضارة، فالحناء تعتبر البديل المثالي، استخدامها مش بس بيدي لون مميز وطبيعي، لكن كمان بيغذي الشعر ويقويه من الجذور حتى الأطراف، الحناء من أقدم الوسائل الطبيعية لتلوين الشعر، وميزتها إنها مفيهاش أكسجين ولا مواد صناعية، وكل المكونات المطلوبة موجودة في البيت وسهلة الاستخدام.
الحناء والكركديه: لون أحمر جذاب وساطع
من الخلطات المشهورة لتلوين الشعر بطريقة طبيعية هي خلطة الحناء والكركديه، اللي بتدي لون أحمر غني وساحر، هنحتاج ملعقتين كبار من الحناء مع ملعقة كركديه مطحون، ونضيف عليهم شوية من زيت الزيتون، زيت اللوز، زيت الأرجان، جل الصبار، ونقطة صغيرة من الفازلين، نخلط كل المكونات لحد ما نحصل على قوام ناعم ومتجانس، ونوزعه على الشعر كله ونسيبه لمدة نص ساعة، وبعدها نغسل الشعر بمياه دافئة وشامبو خفيف.
الحناء وشاي البابونج: تفتيح طبيعي للشعر
لو بتحبي الألوان الفاتحة، جربي خلطة الحناء مع شاي البابونج والكركم. في بولة صغيرة، اخلطي ملعقتين من الحناء مع شاي البابونج والكركم، وضيفي عصير ليمونة، زيت زيتون، زيت لوز، وجل ألوفيرا، ومعاهم شوية مياه ساخنة علشان الخليط يتجانس، حطي الخليط على شعرك وسيبيه لمدة تلاتين دقيقة، وبعدها اغسليه كويس، النتيجة هتكون لون فاتح طبيعي ولمعة ناعمة تغنيكِ عن الصبغات الكيميائية.
نتائج رائعة من أول استخدام ومع الوقت أفضل
الاستمرار على استخدام الحناء مرة واحدة شهريًا هيفرق جدًا في صحة شعرك، هتلاحظي تغير واضح في اللون، ولمعان طبيعي من أول مرة، ومع الوقت شعرك هيبقى أقوى وأنعم، من غير التقصف أو التساقط اللي بتسببه الصبغات الجاهزة، الحناء مش بس صبغة، دي علاج وتجميل في نفس الوقت.